سوتقا توراعالىق ەتكەن ازامات تىلەپوۆ ۇكىمنىڭ ءماتىنىن وقىدى. وعان سايكەس, بيزنەسمەن, بۇرىن ۇيىمداسقان قىلمىستىق توپ باسشىسى بولعان, 2004 جىلى بانكير ەرجان تاتىشەۆتى ءولتىردى دەپ ايىپتالعان مۇراتحان توقمادي 10 جىل 6 ايعا باس بوستاندىعىنان ايىرىلدى. وسى مەرزىمگە 2017 جىلى الماتى قالاسى المالى اۋداندىق سوتى شىعارعان ۇكىمنىڭ مەرزىمى دە كىرەدى. م. توقمادي جازانى قاۋىپسىزدىگى بارىنشا كۇشەيتىلگەن مەكەمەدە وتەيتىن بولدى.
سوتتا توراعالىق ەتكەن سۋديا سوتتالۋشىدان «وسى ۇكىمگە كەلىسەسىز بە» دەگەن سۇراعىنا توقمادي كەلىسەتىنىن ايتىپ جاۋاپ بەردى. سۋديا ازامات تىلەپوۆتىڭ ايتۋىنشا, قازىرگى قولدانىستاعى زاڭناما بويىنشا ايىپتالۋشىنىڭ كىنانى مويىنداعانى ءۇشىن عانا ۇكىم شىعارىلمايدى.
«سوت پروتسەسسى بارىسىندا سوتتالۋشىنىڭ, كۋاگەرلەردىڭ, ساراپشىلاردىڭ قاتىسۋىمەن جاۋاپ الۋ مەن تەرگەۋ امالدارى كەزىندەگى ۆيدەوجازبالار كورسەتىلىپ, پروتسەسستىڭ بارلىق قاتىسۋشىلارى تىڭدالدى. 2004 جىلى جاسالعان قىلمىستىڭ ءموتيۆى مەن جاعدايلارى بويىنشا تولىق دالەلدەر كەلتىرىلدى. كۋاگەرلەردىڭ جاۋاپتارى ارقىلى سوتتالۋشى م.توقمادي, ولتىرىلگەن بانكير ە.تاتىشەۆ, ۇقك-ءنىڭ بۇرىنعى باسشىسى ن.دۇتباەۆ پەن ولتىرۋگە تاپسىرىس بەرگەن م.ءابىلازوۆتىڭ اراسىنداعى قارىم-قاتىناستىڭ سۇلباسى جاسالدى», - دەدى ول. سوتتالۋشىنىڭ پروتسەسسۋالدىق كەلىسىمى مەن ونى م.توقماديدىڭ تولىق ورىنداۋىنا بايلانىستى زاڭنامالىق تۇرعىدا جۇمساقتىق كورسەتۋ, ازامات تىلەپوۆتىڭ ايتۋىنشا, «سوت بارىسىندا سوتتالۋشى مەن كۋاگەرلەردەن جاۋاپ الۋ كەزىندە انىقتالعان ادام سوتتالعان كەزدە عانا ورىندالادى».
