بۇگىن قازاقستان پارلامەنتى جوعارعى پالاتاسىنىڭ توراعاسى يندونەزيانىڭ ۆيتسە-پرەزيدەنتى يۋسۋف كاللامەن كەزدەستى. تاراپتار ساياسي, ەكونوميكالىق جانە گۋمانيتارلىق سالالارداعى ەكىجاقتى قاتىناستاردى ودان ءارى دامىتۋدىڭ كەلەشەگىن تالقىلادى.
سەنات توراعاسى يندونەزيا ۆيتسە-پرەزيدەنتىنىڭ 2017 جىلعى قىركۇيەكتەگى ساپارىنىڭ ناتيجەلى بولعانىن جانە ول باستاعان دەلەگاتسيا يسلام ىنتىماقتاستىعى ۇيىمىنىڭ استاناداعى عىلىم جانە تەحنولوگيا جونىندەگى ءسامميتىنىڭ تابىستى وتۋىنە ۇلەس قوسقانىن جوعارى باعالادى.
ق. توقاەۆ تولەرانتتىقتى, دىندەردىڭ, مادەنيەتتەر مەن وركەنيەتتەردىڭ ۇنقاتىسۋىن ىلگەرىلەتۋ ماسەلەلەرى بويىنشا ءبىزدىڭ ەلدەرىمىز اراسىنداعى تاجىريبە الماسۋدىڭ پايدالى ەكەنىن اتاپ ءوتتى. وسىعان بايلانىستى ول يندونەزيا پرەزيدەنتى دجوكو ۆيدودونىڭ 2018 جىلى قازاندا قازاقستان استاناسىندا بولاتىن الەمدىك جانە ءداستۇرلى دىندەر ليدەرلەرىنىڭ سەزىنە قاتىسۋىنا قازاقستاننىڭ ىقىلاستى ەكەنىن ايتتى.
سەنات توراعاسى مەملەكەت باسشىسىنىڭ «بەس الەۋمەتتىك باستاماسى» اياسىندا جۇزەگە اسىرىلىپ جاتقان, ەلىمىزدىڭ ازاماتتارىنىڭ ءال-اۋقاتىن ودان ءارى جاقسارتۋعا باعىتتالعان رەفورمالار تۋرالى, سونداي-اق قازاقستاننىڭ ساياسي جۇيەسى مەن رۋحاني ءومىرىن جاڭعىرتۋ جايىندا يندونەزيالىق تاراپتى حاباردار ەتتى.
يۋسۋف كاللا ءوز كەزەگىندە ونىڭ ەلى قازاقستان دەلەگاتسياسىنىڭ ساپارىنا زور ماڭىز بەرەتىنىن ايتا كەلىپ, كولىك, لوگيستيكا, ينۆەستيتسيا, قارجى, تۋريزم جانە مادەنيەت سالالارىنداعى ءوزارا ءىس-قيمىلدى ۇدەتۋگە نازار اۋدارىپ وتىرعانىن ايتتى.
