استانا اكىمى اسەت يسەكەشەۆ اتالعان باعىتتا جاسالىپ جاتقان جۇمىستار تۋرالى ايتىپ بەردى.
«بۇگىن جۇمىس توبى قۇرىلىپ, ءۇش ءىرى جوو-مەن جۇمىستى باستاپ كەتتىك, جەر ۋچاسكەسىن دە انىقتاپ قويدىق. باستىسى, ولار وقۋ عيماراتىنان الىس ەمەس بولۋى كەرەك. قازىر بارلىق كوللەدجدىڭ باسشىلارىنىڭ ۇسىنىستارى تىڭدالىپ, ولاردىڭ جاتاقحانا قۇرىلىسىن سالۋدا قانداي تالاپتارى بارىن تىڭدايمىز. تاياۋ ارادا ءبىز استاناداعى جوو مەن كوللەدجدەر ءۇشىن جاتاقحانا قۇرىلىسىن سالۋدىڭ ناقتى باعدارلاماسىن ازىرلەۋىمىز قاجەت», – دەدى اكىم.
سونىمەن قاتار ەڭبەك نارىعىن ەسەپكە الا وتىرىپ, ۇزاق مەرزىمدى پەرسپەكتيۆالى باسەكەگە قابىلەتتى ماماندار دايىنداۋ ءۇشىن جۇمىسپەن قامتۋدىڭ ساياساتى قاراستىرىلىپ جاتىر.
ء«تورتىنشى رەۆوليۋتسيالىق ونەركاسىپ شارتى بويىنشا باسىمدىق تەحنيكالىق ماماندىقتارعا بەرىلەدى. جاڭا الەۋمەتتىك ساياساتتا يننوۆاتسيانى دامىتۋ سالاسىنا كوپتەپ گرانت ءبولۋدى قاراستىرىپ وتىر. وندا اقپاراتتىق تەحنولوگيا, روبوتوتەحنيكا, نانوتەحنولوگيا سالاسىندا كادر دايىنداۋعا كوپ دەن قويىلادى. ادام كاپيتالىنا قۇيىلعان وسى ستراتەگيالىق تاپسىرما, زاماناۋي الەمدە باسەكەگە قابىلەتتى, جاڭا قازاقستاندىق ەكونوميكانى جاسايتىن قۋاتتى رەسۋرس بولماق», – دەدى اسەت يسەكەشەۆ.
بۇگىندە استانادا يننوۆاتسيالىق ەكوجۇيە دە قارقىندى دامىپ كەلەدى. وسىعان وراي, تەحنولوگيالىق كاسىپكەرلىككە دەم بەرۋ ءۇشىن, ءىرى عىلىمي جانە ءبىلىم بەرۋ ورتالىقتارى قۇرىلۋدا.
«نازارباەۆ ۋنيۆەرسيتەتىنىڭ بازاسىندا عىلىمي-زەرتتەۋ جوبالارى مەن يننوۆاتسيالىق شەشىمدەردى دامىتۋ ءۇشىن بارلىق جاعداي جاسالعان. وتكەن جىلدان باستاپ استانانىڭ بارلىق مەكتەپتەرىندە روبوتوتەحنيكا ءپانى ەنگىزىلدى. مەملەكەت باسشىسىنىڭ تاپسىرماسىن جۇزەگە اسىرۋ ماقساتىندا تەگىن كاسىپتىك-تەحنيكالىق ءبىلىم ەنگىزۋ, كوللەدجدەردە 4 مىڭنان استام ستۋدەنت وقۋدا, بۇل جۇمىسشى ماماندىقتىڭ 40 % قۇرايدى», – دەدى اسەت يسەكەشەۆ.
«شار قۇرىلىس» جشس باس ديرەكتورى جاننا بەكتەمىروۆا بايانداماسىندا مەملەكەت باسشىسىنىڭ ستۋدەنتتەرگە ارنالعان جاتاقحانا قۇرىلىسى تۋرالى باستاماسىن قولداۋعا دايىن ەكەندىگىن ءبىلدىردى.
«بۇگىنگە دەيىن ءبىزدىڭ كومپانيا ەڭ وزىق مۇمكىندىكتەردى پايدالانا وتىرىپ نەشە ءتۇرلى ساۋلەتتىك ۇلگىمەن ستۋدەنتتەر قالاشىعىن جوبالاۋ مەن قۇرىلىسىن جاساپ كەلەدى. مۇنىڭ ءبارى دە جاڭارتىلعان قۇرىلىس تەحنولوگياسىنسىز, زاماناۋي قۇرال-جابدىقتارمەن مەن عيماراتتى جوبالاۋدا الدىڭعى قاتارداعى ادىستەردى پايدالانباي مۇمكىن ەمەس», – دەدى جاننا بەكتەمىروۆا.
