كەڭەس بارىسىندا سالانى دامىتۋدىڭ نەگىزگى باعىتتارى, ءىرى قارا مالدىڭ سانىن كوبەيتۋ جانە جوعارى ساپالى سيىر ەتىن ءوندىرۋ, سونىڭ ىشىندە ەكسپورتقا شىعارۋ, سونداي-اق مال شارۋاشىلىعى فەرمالارىن قالىپتاستىرۋ ماسەلەلەرى تالقىلاندى. بۇدان وزگە, فەرمەرلىك شارۋاشىلىقتاردى قارجىلاندىرۋ تەتىكتەرى, نەسيەلەۋ مۇمكىندىكتەرىن كەڭەيتۋ جانە سالاعا ستراتەگيالىق ينۆەستورلاردى تارتۋ ماسەلەسى قاراستىرىلدى.
كەڭەسكە قازاقستاندىق عالىمدار, حالىقارالىق ساراپشىلار, مال شارۋاشىلىعى سالاسىنىڭ وكىلدەرى, «اتامەكەن» ۇكپ وكىلدەرى, سونداي-اق سەلەكتور رەجيمىندە وبلىستاردىڭ اكىمدەرى قاتىستى. قر پرەمەر-ءمينيسترىنىڭ ورىنباسارى — اۋىل شارۋاشىلىعى ءمينيسترى ءو. شوكەەۆ, «اتامەكەن» ۇكپ توراعاسى ا. مىرزاحمەتوۆ, قر-داعى ازيا بانكى وكىلدىگىنىڭ ديرەكتورى د. كاپاننەللي, «Cedar Meats اۆستراليا» باس مەنەدجەرى ە. ل. فەرنيحوف, اقمولا وبلىسى ەرەيمەنتاۋ اۋدانىنىڭ اكىمى ە. نۇعمانوۆ, «قارشىعا» شق (اقتوبە وبلىسى) باسشىسى ا. جەتەنوۆ جانە ت. ب. بايانداما جاسادى.
