ەلباسى نۇرسۇلتان نازارباەۆتىڭ تاجىكستان باسشىسى ەمومالي راحمونمەن كەزدەسۋىنىڭ كۇن تارتىبىندەگى كەلىسسوزدەر قورىتىندىسىندا مەملەكەت باسشىلارىنىڭ بىرلەسكەن مالىمدەمەسىن قابىلداۋ جوسپارلانعان. مۇنان بولەك, ۇكىمەتارالىق ءۇش كەلىسىمدى راسىمدەۋ دە كوزدەلىپ وتىر. اتالعان قۇجاتتاردىڭ بارلىعى دا كوشى-قون ماسەلەلەرىنە, ءبىر ەلدىڭ ازاماتىنىڭ ەكىنشى ەلگە كەلۋ تارتىبىنە قاتىستى بولماق. بۇعان دەيىن اقوردانىڭ ءباسپاسوز قىزمەتى 14 ناۋرىزدا نۇرسۇلتان نازارباەۆتىڭ شاقىرۋىمەن تاجىكستان رەسپۋبليكاسىنىڭ پرەزيدەنتى ەمومالي راحمون قازاقستانعا رەسمي ساپارمەن كەلەتىندىگىن, ساپار اياسىندا مەملەكەت باسشىلارى كۇن تارتىبىندەگى ەكىجاقتى, وڭىرلىك جانە حالىقارالىق وزەكتى ماسەلەلەردى تالقىلايتىندىعىن حابارلاعان ەدى.
