وقو-داعى 7 جاسار بالانى زورلاۋ وقيعاسىنا ەندى قوعام بەلسەندىلەرى ارالاستى. قر ومبۋدسمەنى وسى ءىستى تەرگەۋدىڭ ۇزاققا سوزىلعاندىعىنا الاڭداۋشىلىق ءبىلدىردى. وسى سەبەپتى بالانىڭ قۇقىقتارىن قالپىنا كەلتىرۋ ءۇشىن قاجەتتى شارا قولدانۋ قاجەت دەپ ەسەپتەيدى. سونداي-اق زارداپ شەككەن بالاعا ونىڭ فيزيكالىق جانە پسيحوەموتسيونالدىق جاعدايى بۇزىلعاندىقتان قاجەتتى كومەك كورسەتۋ ماسەلەسى ماڭىزدى بولىپ سانالادى. «جوعارىدا ايتىلعاندارعا بايلانىستى بۇل جاعداي قر ومبۋدسمەنىنىڭ باقىلاۋىنا الىندى. ءتيىستى رەسمي سۇراۋلار قر باس پروكۋراتۋراسىنا, ىشكى ىستەر مينيسترلىگىنە جانە بعم بالالاردىڭ قۇقىقتارىن قورعاۋ كوميتەتىنە جان-جاقتى ارەكەت ەتۋ شارالارى ءۇشىن جىبەرىلدى»,-دەلىنگەن ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى تاراقتان مالىمەتتەردە.
