سول ويقۇدىقتا مازداعان شوق بۇگىن ەگەمەندى ەلدىڭ وركەندەگەن ونەرىنە اينالىپ, ۇرپاق تاربيەسىنە اتسالىسىپ كەلەدى. سەكسەن جىلدان استام ەلگە قالتقىسىز قىزمەت ەتىپ كەلە جاتقان ونەر ورداسى وزىق ءداستۇرلى ورتاعا اينالعان.
قازىرگى تاڭدا ەلىمىزدىڭ باستى باعدارى ەلباسى نۇرسۇلتان نازارباەۆتىڭ «رۋحاني جاڭعىرۋ» باعدارلاماسى بولىپ وتىرعانى بەلگىلى, – دەدى تەاتردىڭ ادەبيەت ءبولىمىنىڭ مەڭگەرۋشىسى مەرەي قارت, – بۇل باعدارلاما «اتامەكەن», «تاربيە جانە ءبىلىم», «رۋحاني قازىنا» جانە «اقپارات تولقىنى» اتتى ءتورت باعىتتا ىسكە اساتىن جوبادان تۇراتىندىقتان, ءبىزدىڭ تەاتر اتالمىش باعدارلامانىڭ دامۋىنا جانە ەلىمىزدىڭ رۋحاني-مادەني دامۋىنا ۇزدىكسىز اتسالىسىپ كەلەدى. ءوز ەلىنىڭ تاريحىن, مادەنيەتى مەن ادەبيەتىن مەڭگەرۋ جاس ۇرپاقتى تولىققاندى ازامات, جەكە تۇلعا رەتىندە قالىپتاستىرىپ, پاتريوتتىق تاربيە بەرىپ, وي ەڭبەگىنە جەتەلەيدى.
ەلباسى باعدارلاماسىنىڭ باستى ماقساتى رۋحىمىزدى جاڭعىرتۋ, ۇلتتىق سانامىزدى قالىپتاستىرۋ بولسا, تەاتر تۋرا وسى باعىتتاعى تاربيەنى بەرەتىن ورىن. وسى تۇرعىدا تەاتر ۇجىمى قالامىزدىڭ وقۋشىلارىمەن شىعارماشىلىق كەزدەسۋ وتكىزدى.
«تەاتر – بولاشاق باعدارى» اتتى اشىق ساباعىمىزدىڭ ماقساتى – اكتەرلىك ونەردىڭ قىر-سىرىن ۇيرەتىپ, ونەرگە باۋلۋ, – دەيدى تەاترتانۋشى ەڭلىك ساماتوۆا, – قالاداعى №33 مەكتەپ وقۋشىلارى بەلسەندىلىك تانىتىپ, اكتەرلەرىمىزبەن ەتەنە ارالاسىپ كەتتى. ونەر سالاسىنا قىزىققان جاسوسپىرىمدەر ءتۇرلى وبرازدار سومداپ, ويلارىندا جۇرگەن سۇراقتارىن قويۋ ارقىلى باقتارىن سىناپ كوردى. تەاتر ارتىستەرى اياۋلىم تۇرىسبەكوۆا, اسەل اسىلبەكوۆا, اقەركە ريزابەكوۆا, جانتاي تۇرىسبەكوۆ, ماعجان ارازالينوۆ, جانىبەك اۆلەنوۆ بارىنشا تەاتر ونەرىن تانىستىرىپ, اكتەرلىك شەبەرلىكتەرىن كورسەتتى. قىزىقتى كەزدەسۋدىڭ سوڭى اسەم اۋەنمەن جالعاستى.
راۋشان نۇعمانبەك,
جۋرناليست
سەمەي
سۋرەتتى تۇسىرگەن اۆتور
