مەيمانمەن كەزدەسۋدە ب.بەكنازاروۆ كورەيا رەسپۋبليكاسى قازاقستاننىڭ شىعىس ازياداعى باستى ستراتەگيالىق ارىپتەسى ەكەنىن اتاپ ءوتتى. ء«بىز سىزدەردىڭ ەلدەرىڭىزبەن بارلىق سالادا جانە بارلىق دەڭگەيدە ۇنقاتىسۋدى دامىتۋعا مۇددەلىمىز», - دەدى ول.
سەنات توراعاسىنىڭ ورىنباسارى كورەيانى قىسقى وليمپيادا ويىندارىن وتكىزۋىمەن قۇتتىقتاي كەلىپ, جارىستاردا كورەيالىق كوماندانىڭ شەبەر ونەر كورسەتكەنىن اتاپ ءوتتى.
تاراپتار پارلامەنتارالىق ىنتىماقتاستىقتى نىعايتۋعا ۋاعدالاستى. قازاقستان پارلامەنتىنىڭ قوس پالاتاسىندا دا كورەيامەن ىنتىماقتاستىق جونىندەگى توپتار, ال ۇلتتىق اسسامبلەيادا قازاقستانمەن دوستىق توبى جۇمىس ىستەپ كەلەدى. چون سە گيۋن قازاقستاندىق پارلامەنتشىلەردى كورەياعا ساپارمەن كەلۋگە شاقىردى.
ۇلتتىق اسسامبلەيانىڭ توراعاسى «قازاقستان-2050» ستراتەگياسىندا بەلگىلەنگەن ماقساتتاردى قولدايتىنىن جەتكىزىپ, قازاقستانعا جەر اۋدارىلعان ەتنيكالىق كورەيلەرگە كورسەتىلگەن كومەك ءۇشىن قازاق حالقىنا العىس ايتتى.
ب.بەكنازاروۆ ەكىجاقتى قاتىناستاردى نىعايتۋدىڭ كەلەشەگىن تالقىلاي كەلىپ, قازاقستان كورەي تۇبەگىندەگى جاعدايدى ۇنقاتىسۋ جانە كەلىسسوزدەر ارقىلى شەشۋدى دايەكتى تۇردە جاقتايتىنىن اتاپ ءوتتى.
سەنات توراعاسىنىڭ ورىنباسارى «ەكسپو-2017» حالىقارالىق مامانداندىرىلعان كورمەسىنە بەلسەندى تۇردە قاتىسقانى ءۇشىن كورەياعا العىس ايتتى. ول كورەي بيزنەسىنىڭ ءبىزدىڭ ەلىمىزدە عىلىمي تۇرعىدا قامتىلعان, جوعارى تەحنولوگيالىق ءوندىرىستى دامىتۋ جونىندەگى جوبالاردى ىسكە اسىرۋعا بەلسەندى قاتىسۋىنا قازاقستان مۇددەلى ەكەنىن اتاپ ءوتتى.
كەزدەسۋگە ءماجىلىس توراعاسىنىڭ ورىنباسارى ۆلاديمير بوجكو, سەناتورلار گەورگي كيم, ەدىل مامىتبەكوۆ جانە نۇرجان نۇرسيپاتوۆ قاتىستى.
