Kerek-info.kz
قازاقستان حالقى اسسامبلەياسى قۇرىلعالى بەرى پرەزيدەنتتىڭ بارشا باستامالارىن قولداپ كەلەدى. مەملەكەت باسشىسىنىڭ ارقاسىندا ءبىز دوستىق پەن قوعامدىق كەلىسىمنىڭ يدەياسىن جۇزەگە اسىراتىن وسىنداي بىرەگەي ينستيتۋت قۇرۋعا مۇمكىندىك الدىق. تاياۋدا العىس ايتۋ كۇنى مەن قحا-نىڭ قۇرىلعان كۇنىن اتاپ وتتىك. وسى ءساتتى پايدالانا وتىرىپ, ەلباسى ن.نازارباەۆقا اسسامبلەيانى قۇرعانى ءۇشىن زور العىس بىلدىرەمىن. قازاقستاننىڭ كيەلى توپىراعىندا جۇزدەن اسا ەتنوستىڭ وكىلدەرىن جىلى قابىلداپ, قۇشاق جايا قارسى العان قازاق حالقىنا دا العىسىم شەكسىز. بۇگىندە قازاقستان سول ەتنوستاردىڭ وتانىنا اينالدى. زاماناۋي قازاقستاننىڭ قالىپتاسقانى ءۇشىن راحمەت ايتامىن.
پارلامەنتتىڭ بىرلەسكەن وتىرىسىندا ەلباسىنىڭ جاڭا الەۋمەتتىك مىندەتتەر جونىندە ايتقانىنىڭ ماڭىزى زور. تۇرعىن ءۇي الۋعا بەرىلەتىن جاڭا مۇمكىندىك, تومەن جالاقى الاتىندارعا سالىناتىن سالىق كولەمىن ازايتۋ, جوعارى ءبىلىم ساپاسى مەن قولجەتىمدىگىن ارتتىرۋ, شاعىن نەسيەلەۋدى ۇلعايتۋ جانە ەلدى گازداندىرۋ جونىندەگى مەملەكەت باسشىسىنىڭ تاپسىرمالارى ەڭ الدىمەن قاراپايىم حالىق ءۇشىن جاسالعان قولداۋ بولدى.
شاعىن جانە ورتا كاسىپ وكىلى رەتىندە شاعىن نەسيەلەۋدى ۇلعايتۋ جونىندەگى باستاماعا توقتالعىم كەلىپ وتىر. بۇل كاسىپكەرلىك سالاسىنداعى قىزمەتتى ۇلعايتۋعا مۇمكىندىك بەرەدى. بيىل قوسىمشا 20 ميلليارد تەڭگە ءبولىنىپ, شاعىن نەسيەلەۋدىڭ جالپى سانى 62 ميلليارد تەڭگەگە جەتەتىنى قاتتى قۋانتتى.
ن.نازارباەۆتىڭ ۇندەۋىندە ايتىلعان جاڭا الەۋمەتتىك باستامالار جونىندە ءبىزدىڭ قوعامنىڭ الەۋمەتتىك بىرلىگىن, ءاربىر قازاقستاندىقتىڭ جاعدايىن جاقسارتا بەرۋگە باعىتتالعانىنا سەنىمدىمىن. وسىنىڭ بارلىعى ىسكە اسۋى ءۇشىن ەڭ الدىمەن حالىقتىڭ اۋىزبىرشىلىگى, جۇدىرىقتاي جۇمىلۋى قاجەت. بۇگىنگە دەيىن قازاقستان جەتكەن تابىستاردىڭ بارلىعى ىنتىماقتىڭ ارقاسىندا جۇزەگە اسىپ جاتقانىن ءبىز جاقسى تۇسىنەمىز. سوندىقتان بۇل جولى دا ەلدى جاقسى باستامالارعا جۇمىلدىرۋعا بارىنشا ۇلەس قوسۋعا تىرىسامىز.
ۆلاديمير شيحوتوۆ,
جەتىسۋ كازاكتارى
وداعىنىڭ وكىلى
