اتاپ ايتار بولسام, «7 – 20 – 25» باعدارلاماسى ول − جاستارىمىزدىڭ, جاس وتباسىلاردىڭ تۇرعىن ۇيگە قولجەتىمدىلىگىن ارتتىرا تۇسەرى انىق. ال ءۇشىنشى باستامادا جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ, ستۋدەنت جاستاردىڭ جاتاقحاناداعى جاعدايىن جاقسارتۋ ماسەلەسىن ەلباسى ءبىلىم جانە عىلىم مينيسترلىگىنە 2022 جىلعا دەيىن تۇبەگەيلى شەشۋدى تاپسىردى. جاتاقحانا ماسەلەسى شەشىلەتىن بولسا ستۋدەنتتەر ءبىلىم مەن عىلىم جولىندا ەش الاڭسىز ەڭبەكتەنەدى دەگەن سەنىمدەمىن.
سونىمەن قاتار جوعارى ءبىلىم الۋدىڭ قولجەتىمدىلىگى مەن ساپاسىن ارتتىرۋ ءۇشىن 2018-2019 وقۋ جىلىندا تاعى 20 مىڭ گرانت بولىنەتىن بولدى. ونىڭ 11 مىڭى تەحنيكالىق ماماندىقتار بويىنشا باكالاۆرلىق ءبىلىم بەرۋگە تيەسىلى. بۇل ءتورتىنشى ونەركاسىپتىك رەۆوليۋتسيا جاعدايىنداعى جاڭا ەكونوميكادا زور سۇرانىسقا يە بولاتىن سان مىڭ جاڭا ماماندى دايارلاۋعا مۇمكىندىك بەرەدى دەدى مەملەكەت باسشىسى.
«ەلىمىزدىڭ كوڭىلى جايلى, تۇرمىسى مايلى بولادى», دەگەن پرەزيدەنت ن.نازارباەۆ ۇندەۋى ەل كوڭىلىنە زور سەنىم ۇيالاتتى دەپ ەسەپتەيمىن.
داريا قوجامجاروۆا,
تارمپۋ رەكتورى,
ۇعا اكادەميگى, پروفەسسور
