بىرىنشىدەن, بۇل ءىس-شارا ەڭبەكاقىسى 25 ايلىق ەسەپتىك كورسەتكىشتەن از 2 ميلليون قازاقستاندىقتىڭ ءومىر ءسۇرۋ ساپاسىن ارتتىرۋعا كومەكتەسەدى. ياعني سالىقتىق جۇكتەمەنىڭ ازايۋى ەسەبىنەن 60 مىڭ تەڭگە جالاقى الاتىن جۇمىسشى ەندىگى ۋاقىتتا 5400 تەڭگە كولەمىندە قوسىمشا قاراجات الاتىن بولادى. تومەن جالاقىنى نەگىزىنەن اۋىل شارۋاشىلىعى, ءبىلىم بەرۋ جانە دەنساۋلىق ساقتاۋ سالاسىنىڭ قىزمەتكەرلەرى الاتىن بولعاندىقتان, بۇل باستاما اۋىل حالقىنىڭ ءومىر ءسۇرۋ دەڭگەيىن قولداۋعا باعىتتالعان دەسە دە بولادى.
ەكىنشىدەن, جۇمىس بەرۋشىلەرگە دەگەن سالىقتىق جۇكتەمە بۇرىنعى دەڭگەيىندە قالادى. ناتيجەسىندە, اتالعان ءىس-شارا بەيرەسمي جۇمىس ىستەپ جۇرگەن ازاماتتاردىڭ سانىن, جالاقىنى «كونۆەرتپەن» بەرۋ فاكتىلەرىن ازايتۋعا ىقپال ەتەدى. بۇل قاتارعا شاعىن كاسىپورىنداردا ەڭبەك قاتىناستارىن راسىمدەمەي جۇمىس ىستەيتىن ازاماتتار كىرەدى, ياعني ولار ءۇشىن وسى ۋاقىتقا دەيىن جۇمىس بەرۋشىلەر ەشقانداي سالىق تولەمەگەن.
ۇشىنشىدەن, ەڭبەكاقىنىڭ ءوسۋى تۇتىنۋشىلىق شىعىنداردىڭ كوبەيۋىنە الىپ كەلەدى, بۇل ءوز كەزەگىندە جەرگىلىكتى ەكونوميكانى ىنتالاندىرادى.
ايجان مۇحىشباەۆا,
الەمدىك ەكونوميكا جانە ساياسات ينستيتۋتىنىڭ ساراپشىسى
