قارعىن سۋ وسكەمەن جۇرتىن قاربالاستىققا سالدى. قالا اكىمدىگى تۇرعىنداردى جەكە كولىگىنەن قوزعاماي, قوعامدىق كولىكتەردى پايدالانۋعا شاقىرۋدا. جەكە كولىكتەردىڭ كوپتىگى كوممۋنالدىق قىزمەت جۇمىستارىنا كەدەرگى كەلتىرۋدە. ال قالانىڭ شەكتكەرى اۋداندارىندا تۇراتىندارعا بالالارىن قاراۋسىز قالدىرماۋ كەرەكتىگى ەسكەرتىلدى.
قارعىن سۋمەن كۇرەس وسكەمەن قالاسىنان بولەك اياگوز, ۇلان جانە كۇرشىم اۋداندارىندا دا قىزۋ ءجۇرىپ جاتىر. تولاسسىز جاڭبىر تاۋ شاتقالىمەن وتەتىن جولدارعا كوشكىن قاۋپىن توندىرۋدە. وسىعان بايلانىستى وسكەمەن-زىريان باعىتىنداعى جول جابىلعان بولاتىن. وسكەمەن قالاسىنىڭ اكىمدىگى وسىنىڭ سالدارىنان قوسىمشا پويىز رەيسىن شىعارماقشى. «اۆتوكولىك جولى جابىلۋىنا بايلانىستى 11 ناۋرىز كۇنى زاششيتا-زىريان باعىتىندا №641 پويىز قوسىمشا رەيسپەن جولعا شىعادى» - دەلىنگەن قالا اكىمدىگى فەيسبۋكتەگى پاراقشاسىنداعى تاراتقان اقپاراتتا.
