جۇمىسشى ماماندىعىن دارىپتەۋ, جۇمىسشى ماماندىعىنىڭ تانىمدىلىعىن جانە قوعامداعى بەدەلىن ارتتىرۋ, ءوندىرىس ورىندارىنداعى جاس مامانداردىڭ, مەكتەپ وقۋشىلارىنىڭ, ستۋدەنتتەردىڭ, اتا-انالاردىڭ, بيزنەس وكىلدەرىنىڭ جۇمىسشى ماماندىعىنا قىزىعۋشىلىعىن ارتتىرۋ ماقساتىنداعى چەمپيوناتقا 33 باعىت بويىنشا 200 ستۋدەنت, 150 ساراپشى قاتىستى, ونىڭ ىشىندە كاسىپورىنداردان 96 ساراپشى باعالادى. جىل سايىن باعىتتار مەن قاتىسۋشى ستۋدەنتتەر سانى ارتۋدا. مىسالى, وتكەن جىلمەن سالىستىرعاندا باعىتتار سانى 9-عا, ال قاتىسۋشى سانى 48-گە ارتتى. IT سالاسىن باعالاۋ ءۇشىن بەلارۋس رەسپۋبليكاسىنان بەلوۆسكايا ولگا ميحايلوۆنا جانە سلەسارلىق ءىس بويىنشا رەسەي فەدەراتسياسىنان ساراپشى – پروۆاتور الەكسەي گەنناديەۆيچ, حالىقارالىق ساراپشىلار «اسپاز ءىسى» بويىنشا اديلحانوۆ سەرىكحان سامەت ۇلى, قىزمەت كورسەتۋ سالاسى بويىنشا الماتى وبلىسىنان 5 ساراپشى, قوستاناي وبلىسىنان 2 ساراپشى قاتىستى. سونىمەن قاتار, باتىس-قازاقستان, اتىراۋ, اكتوبە وبلىستارىنىڭ ءبىلىم باسقارماسىنىڭ وكىلدەرى قاتىستى.
ناتيجەسىندە «توكارلىق جۇمىس ساندىق باعدارلامالىق باسقارمالارى ستانوكتارىندا», «كىرپىشتى قالاۋ», «قۇرعاق قۇرىلىس جانە سىلاق جۇمىستارى», «مايلاۋ جانە بەزەندىرۋ جۇمىستارى», «تاقتاتاسپەن قاپتاۋ», «ەلەكترومونتاجدىق جۇمىستار», «سلەسارلىق جۇمىس», «ۆەب-ۇلگىلەۋ»,
«ينجەنەرلىك گرافيكا», «گرافيكالىق ديزاين», «جەلىلىك جانە جۇيەلىك باسقارۋ», «دانەكەرلەۋ تەحنولوگياسى», «شاشتاراز ونەرى», «جەڭىل اۆتوموبيلگە تەحنيكالىق قىزمەت كورسەتۋ, جوندەۋ», «اسپاز ءىسى», «مەيرامحانالىق قىزمەت كورسەتۋ», «كونديتەرلىك ءىس», «ناۋبايشى ءىسى», «تۋريزم», «قوناق ءۇي اكىمشىلىگى», «اۋدارما ءىسى», «مەكتەپكە دەيىنگى تاربيە», «جۇك ماشيناسىنا تەحنيكالىق قىزمەت كورسەتۋ», «مەديتسينالىق جانە الەۋمەتتىك كۇتىم», «كاسىپكەرلىك», «IT جەلىسىن جۇيەلى باسق»رۋ", «كومپيۋتەرلىك ويىندار مەن مۋلتيمەديالىق قوسىمشالاردى دامىتۋ», «تەمىر جول كولىگىن باسقارۋ», «سيگنالداۋ, ورتالىقتاندىرۋ, بلوكتاۋ جانە اۆتوماتيكا جابدىقتارىن جوندەۋ, قىزمەت كورسەتۋ», «اقپاراتتىق كابەلدىك جەلىلەر», «باستاۋىش سىنىپتاردا ساباق بەرۋ» جانە «دەنە شىنىقتىرۋ جانە سپورت» نوميناتسيالارى بويىنشا جەڭىمپازدار انىقتالىپ, ماراپاتتالدى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
