ق. توقاەۆتىڭ ەل پرەزيدەنتى دجوكو ۆيدودومەن كەزدەسۋى ساپاردىڭ باستى وقيعاسى بولادى. سەنات توراعاسى مەملەكەت باسشىسى ن. نازارباەۆتىڭ تاپسىرماسى بويىنشا يندونەزيا باسشىسىنا قازاقستانعا رەسمي ساپارمەن كەلۋگە شاقىرۋىن جەتكىزىپ, الەم جانە ءداستۇرلى دىندەر ليدەرلەرىنىڭ VI سەزىنە قاتىسۋعا شاقىرۋدى تابىس ەتەدى.
قازاقستان سەناتىنىڭ توراعاسى مەن يندونەزيا حالىق كەڭەسشىلەرى كونگرەسىنىڭ باسشىمەن كەزدەسۋدە پارلامەنتارالىق بايلانىستاردى نىعايتۋدىڭ كەلەشەگى اڭگىمە وزەگىنە اينالادى. كەلىسسوزدەر بارىسىندا ساياسي جانە ەكونوميكالىق ەكىجاقتى ىنتىماقتاستىق ماسەلەلەرىن دە تالقىلاۋ كوزدەلىپ وتىر.
