جارىستىڭ العاشقى كۇندەرىندە پرەزيدەنتتىك كوپسايىستا ايەلدەر اراسىندا جالپى كوماندالىق ەسەپ بويىنشا پاۆلودار مەملەكەتتىك پەداگوگيكالىق ۋنيۆەرسيتەتى ستۋدەنتتەرى جەڭىستىڭ جوعارى تۇعىرىنا كوتەرىلسە, ەكىنشى ورىندى سولتۇستىك قازاقستان مەملەكەتتىك ۋنيۆەرسيتەتى يەلەندى. جۇلدەلى ءۇشىنشى ورىندا – پاۆلودار مەملەكەتتىك ۋنيۆەرسيتەتى. ال, ەرلەر اراسىنداعى پرەزيدەنتتىك كوپسايىستا سولتۇستىك قازاقستان مەملەكەتتىك ۋنيۆەرسيتەتى التىننان القا تاقسا, كۇمىس جۇلدەنى قوستاناي پەداگوگيكالىق ۋنيۆەرسيتەتى ەنشىلەدى. قولا جۇلدەنى شىعىس قازاقستان مەملەكەتتىك ۋنيۆەرسيتەتى قانجىعاسىنا بايلادى.
سونىمەن قاتار قىزدار اراسىندا ۇزدىكتىڭ ۇزدىگى سولتۇستىك قازاقستان مەملەكەتتىك ۋنيۆەرسيتەتىنىڭ ستۋدەنتى كوزلوۆا ۆيكتوريا بولسا, ەرلەردەن قوستاناي مەملەكەتتىك ۋنيۆەرسيتەتىنىڭ ستۋدەنتى ماكۋشەنكو ۆياچەسلاۆ اتاندى.
جارىستى ۇيىمداستىرۋشى – قر بعم ۇلتتىق عىلىمي-پراكتيكالىق دەنە تاربيەسى ورتالىعى.
ماراپاتتاۋ ءراسىمىن ۇلتتىق عىلىمي-پراكتيكالىق دەنە تاربيەسى ورتالىعى باس ديرەكتورىنىڭ ورىنباسارى سادىق اياشەۆ جۇرگىزدى. جەڭىمپازدار مەن جۇلدەگەرلەر ۋنيۆەرسيادا ديپلومدارىمەن, مەدالمەن جانە كۋبوكپەن ماراپاتتالدى.
