تاس قامال بۇل قاپاستىڭ اتى – جالعان,
قارايىپ, كۇننىڭ كوزىن بۇلتى شالعان.
كۇل بولىپ كوردە جاتىر ءجۇز باھرام,
توي تارقاپ, ءجۇز ءجامشيدتىڭ جۇرتى قالعان.
* * *
قىزىق-اۋ: تۋعان ادام اقىر ولمەك!
توزعاسىن تارقاتىلىپ جاتىر ورمەك.
ءتۇتىنسىز جاندى-اۋ تاعدىر ءورتى ىشىندە,
اق جۇرەك تالاي ادال پاقىر ەڭىرەپ.
* * *
تاعدىردىڭ سىرى تەرەڭ, جەتە المايمىز,
جۇمباعىن تۇگەل تاۋىپ كەتە المايمىز.
كەرۋلى كوز الدىڭدا سيقىر پەردە,
ولەمىز, بىراق ءارى وتە المايمىز.
* * *
الادى اجال جۇرتتى تالعاماستان,
كەيقۋات, جامشيدتەردەن بار ما اسقان؟
قۇل قىلىپ قۋ زامانا قويعان ءبىزدى
ۇيقىعا, ايلا, ارمان سورعا باستان.
* * *
شىركىن-اي, ءبىر ساياعا كەلەر بولساق!
ۇشىعىن ۇزاق جولدىڭ كورەر بولساق!
ءجۇز مىڭ جىل وتكەننەن سوڭ, و, داريعا-اي,
كوگەرىپ جەردەن قايتا ونەر بولساق!
اۋدارعان
قۋاندىق شاڭعىتباەۆ
