اسسامبلەيانىڭ ءححىى سەسسياسىنىڭ اشىلۋ سالتاناتىنداعى سوزىندە مەملەكەت باسشىسى قيىن-قىستاۋ زاماندا ەلىمىزگە كوپتەگەن حالىقتاردىڭ جەر اۋدارىلعانىن, سول كەزەڭدە جەرگىلىكتى جۇرتتىڭ ولارعا ۇلكەن قامقورلىق كورسەتكەنىن, ەلدىڭ جاعدايى اۋىر بولسا دا, بارىن ءبولىسىپ, تاتۋ-ءتاتتى تىرلىك ەتكەنىن ەسكە الدى. «ستالين رەجىمىندە ءار جىلدارى, وزدەرىڭىز بىلەتىندەي, حالىقتار تۇگەلدەي جەر اۋدارىلدى. ولاردى ۆاگونداردان اۋىلدارعا تاستاپ كەتە بەردى, ولاردىڭ ەش دۇنيەسى بولعان جوق. سول ۋاقىتتا بۇل دالادا وزدەرى مۇقتاج بولا وتىرىپ, ولاردى سامان ۇيلەرىنە قابىلداعان قازاقتار, قازاق وتباسىلارى عانا ءومىر ءسۇردى», دەدى ەلباسى. نۇرسۇلتان نازارباەۆتىڭ وسى سوزدەرى «العىس ايتۋ كۇنى» مەرەكەسىنىڭ باستى فيلوسوفيالىق ىرگەتاسى بولدى.
بۇل كۇندە بارلىق ۇلتتىڭ ءبىر-بىرىنە جانە وسى ادامداردى قابىلداعان, بارىنشا قامقورلىق بىلدىرگەن قازاقتارعا العىس ايتۋى تاماشا داستۇرگە اينالدى. العىس ايتۋ كۇننىڭ حالىقارالىق دارەجەسى جوق, بىراق ەلىمىز ءۇشىن بۇل ۇلكەن اسا ماڭىزدى مەرەكەلەردىڭ ءبىرى. 1 ناۋرىز – ەلباسىنىڭ بەيبىتشىلىك پەن كەلىسىمگە نەگىزدەلگەن سارابدال ساياساتىنىڭ ناتيجەسى پاش ەتىلەتىن كۇن. ۇلى دالا ەلىنىڭ جاستارى ءۇشىن ءبىرتۇتاس ەلدىكتىڭ, ىنتىماقتاستىق پەن تاتۋلىقتىڭ جانە دە وتكەنگە سالاۋات پەن بولاشاققا دەگەن ءۇمىتتىڭ مەرەكەسى.
الداعى ۋاقىتتا ەلباسى باستاعان قازاقستان حالقى اسسامبلەياسى جاستار ساياساتىن جاڭارتۋدى جوسپارلاۋدا. ساياسي, ەكونوميكالىق, رۋحاني جاڭعىرۋدىڭ اياسىندا قحا جاستار قاناتىن رەفورمالاندىرۋ دا كوكەيكەستى ماسەلە. بۇگىنگى بۋىن ءبىر شاڭىراقتىڭ استىندا, ءبىرتۇتاس ۇلت رەتىندە قازاقتىڭ ەلىنە, جەرىنە, تىلىنە قۇرمەت بىلدىرە ءجۇرىپ, ۇلى دالا ەلىنىڭ دامۋىنا ۇلەس قوسۋعا دايىن.
ماكسيم سپوتكاي,
قازاقستان حالقى اسسامبلەياسىنىڭ مۇشەسى, «نۇر وتان» پارتياسى مەديا-رەداكتسياسىنىڭ باسشىسى
