ەلدىڭ لاتىن ءالىپبيىن قولداعانى سونشالىقتى, ءتىپتى كوپتەگەن عيماراتتاردىڭ ماڭدايشاسىنداعى اتاۋدى لاتىنعا اۋىستىرا باستادى, ولاردىڭ قاتارىندا مەن دە بارمىن. وسىلايشا ءوزىم باسقارىپ وتىرعان سولتۇستىك قازاقستان وبلىسىنداعى «قازاقستان» اتتى ءىرى كينوتەاتردىڭ اتاۋىن لاتىنشا «Qazaqstan» دەپ اۋىستىرعان ەدىم.
جاقىندا قازاقستان رەسپۋبليكاسىنىڭ پرەزيدەنتى ن.ءا.نازارباەۆ قازاق ءتىلىنىڭ لاتىن گرافيكاسىنىڭ جاڭا نۇسقاسىن بەكىتتى.
بۇل الدىڭعى نۇسقاعا قاراعاندا الدەقايدا ىڭعايلى دەپ سانايمىن, سەبەبى قازاققا ءتان ءتول دىبىستار ماڭدايشالارىندا سىزىقشا كورسەتىلگەن, بۇل نۇسقا كوڭىلگە قونىمدى. جالپى العاندا, قازاق ءتىلى مىندەتتى تۇردە لاتىن گرافيكاسىنا كوشۋى ءتيىس.
قازىرگى ۋاقىتتا شەتەلدىكتەردىڭ قازاق ءتىلىن ۇيرەنۋگە, قازاق مادەنيەتىمەن تانىسۋعا دەگەن قۇشتارلىعى جىلدان-جىلعا ارتىپ كەلەدى. سوندىقتان قازاق ءتىلىنىڭ بولاشاعى لاتىن گرافيكاسىندا ەكەندىگىنە سەنىمدىمىن.
ساۋلە مۇساباەۆا,
«Qazaqstan» كينوتەاترىنىڭ ديرەكتورى
سولتۇستىك قازاقستان وبلىسى
