فوتو: رافحات حالەلوۆ
قازاقستان جازۋشىلار جانە جۋرناليستەر وداعىنىڭ, ايتىس اقىندارى مەن جىرشىلاردىڭ, تەرمەشىلەردىڭ حالىقارالىق وداعىنىڭ مۇشەسى, «ەرەن ەڭبەگى ءۇشىن» مەدالىنىڭ يەگەرى باۋىرجان حاليوللانىڭ بۇل كىتابى جاقىندا الماتى قالاسىنان جارىق كورگەن. كىتاپتىڭ تۇساۋكەسەر سالتاناتىندا الماتى قالاسىنان ارنايى كەلگەن قازاقستاننىڭ مەملەكەتتىك سىيلىعىنىڭ جانە شولوحوۆ اتىنداعى حالىقارالىق ادەبيەت سىيلىعىنىڭ يەگەرى, جازۋشى ءسابيت دوسانوۆ ءسوز الىپ, جاس اقىننىڭ يىعىنا شاپان جاپتى. ايتىس ساحناسىندا دا, جازبا پوەزيادا دا ءوز ورنەگىن سالىپ جۇرگەن اقىن شىعارماشىلىعىنا تابىس تىلەدى.
كەشتى باۋىرجاننىڭ سىنىپتاس دوسى, بەلگىلى اقىن تالانت ارعىنعالي جۇرگىزدى. كورەرمەن قاۋىم كەش يەسىنىڭ اقىندىق قىرىنان بولەك, سازگەرلىك قابىلەتىنە دە قول سوقتى. ويتكەنى كەش بويىنا ءانىن دە, ءسوزىن دە باۋىرجان حاليوللا جازعان اندەر مەن تولعاۋلار ورىندالىپ, شارانىڭ شىرايىن كىرگىزە ءتۇستى.
باۋىرجاننىڭ كەشىنە كورشىلەس اتىراۋ وڭىرىنەن وبلىستىق مادەنيەت باسقارماسىنىڭ باسشىسى سالامات سابىر باستاعان دەلەگاتسيا ارنايى كەلىپ, قوشەمەت كورسەتتى. باتىس قازاقستان وبلىسى اكىمىنىڭ ورىنباسارى عابيدوللا وسپانقۇلوۆ ءوڭىر باسشىسى التاي كولگىنوۆتىڭ اتىنان كەش يەسىن قۇتتىقتادى.
ايتا كەتەيىك, باۋىرجان حاليوللانىڭ بۇعان دەيىن «جۇمباق قىزدىڭ جانارى» («جازۋشى» باسپاسى, 2001 جىل), «نازىك بۇلت كوشىپ بارادى» (ورال قالاسى, 2005 جىل), «جۇلدىز جاۋعان جارىق ءتۇن»(2012 جىل, ورال) اتتى جىر جيناقتارى جارىق كورگەن بولاتىن.
قازبەك قۇتتىمۇرات ۇلى,
«ەگەمەن قازاقستان»
