د.نازارباەۆا پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتى مەن فەدەراتسيا كەڭەسى حالىقارالىق ىستەر كوميتەتىنىڭ بىرلەسكەن وتىرىسىنىڭ قورىتىندىلارى تۋرالى اڭگىمەلەدى. سەناتوردىڭ پىكىرىنشە, قازاقستان پارلامەنتى سەناتى مەن فەدەراتسيا كەڭەسى اراسىنداعى ىنتىماقتاستىق جونىندەگى كوميسسيانىڭ جۇمىسىمەن قوسا پارلامەنتارالىق ءوزارا ءىس-قيمىلدىڭ وسىنداي تەتىگى ەۋرازيالىق ىنتىماقتاستىق جولىندا تۋىندايتىن ناقتى ماسەلەلەر مەن كەدەرگىلەردى جەدەل شەشۋ ءۇشىن وتە ءتيىمدى.
ۆ. ماتۆيەنكو ەكى ەلدىڭ پارلامەنتتەرى جوعارعى پالاتالارىنىڭ مۇشەلەرىن قازاقستان مەن رەسەي پرەزيدەنتتەرىنىڭ توراعالىق ەتۋىمەن جىل سايىن وتەتىن ايماقارالىق ىنتىماقتاستىق فورۋمىنا بەلسەندى تۇردە اتسالىسۋدى ۇسىندى.
فەدەراتسيا كەڭەسىنىڭ باسشىسى قازاقستاندى بۇۇ قاۋىپسىزدىڭ كەڭەسىندە تابىستى توراعالىق ەتۋىمەن قۇتتىقتادى جانە د.نازارباەۆانى بيىلعى قىركۇيەكتە وتەتىن ەۋرازيالىق ايەلدەر فورۋمىنا قاتىسۋعا شاقىردى.
سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتى توراعاسىنىڭ رەسەي مەملەكەتتىك دۋماسىنىڭ توراعاسى ۆياچەسلاۆ ۆولودينمەن كەزدەسۋىندە پارلامەنتارالىق ءوزارا ءىس-قيمىلدى نىعايتۋ مەن ۇلتتىق زاڭنامانى ۇيلەستىرۋ ماسەلەلەرى تالقىلاندى.
ماسكەۋگە جۇمىس بابىنداعى ساپار بارىسىندا ەۋرازيالىق ەكونوميكالىق كوميسسيا القاسىنىڭ توراعاسى تيگران ساركيسيانمەن, ەۋرازيالىق ەكونوميكالىق كوميسسيا القاسىنىڭ مۇشەلەرى (مينيسترلەر) تيمۋر جاقسىلىقوۆ جانە مارات قۇسايىنوۆپەن كەزدەسۋ بولدى.
ەۋرازيالىق ىقپالداستىقتىڭ وزەكتى ماسەلەلەرىن تالقىلاي كەلىپ, د.نازارباەۆا ينتەگراتسيالىق ۇدەرىستەردى جاريا ەتۋدىڭ جەتكىلىكسىزدىگى جايىندا اتاپ ءوتتى. سەناتور ەاەو تەلەۆيزياسىن قۇرۋ تۋرالى ۇسىنىس ايتتى.
