باس پروكۋراتۋرادا قىلمىستىق زاڭنامانى بۇدان ءارى ىزگىلەندىرۋ ماسەلەلەرى تالقىلاندى

بۇل ماسەلەنىڭ وزەكتىلىگى مەم­لەكەت باسشىسىنىڭ جول­داۋىن قۇقىق قورعاۋ قىزمەتىن ودان ءارى ىزگىلەندىرۋ بولىگىندە جۇزەگە اسىرۋمەن بايلانىستى.

شاراعا كونستيتۋتسيالىق كە­ڭەس­تىڭ توراعاسى قايرات ءمامي, جو­عارعى سوتتىڭ توراعاسى جاقىپ اسانوۆ, پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى ۆلاديمير جۇماقانوۆ, پرەزيدەنت اكىمشىلىگى باسشىسىنىڭ ورىنباسارى تالعات دوناقوۆ جانە ۇي­لەس­تىرۋ كەڭەسىنىڭ مۇشەلەرى قا­تىستى. 
بۇگىنگى تاڭداعى سوت-تەرگەۋ تا­جى­ريبەسىن تالقىلاعان قاتىسۋ­شىلار ۆەدومستۆوارالىق ءىس-قي­مىلدى كۇشەيتۋدىڭ ماڭىز­دىلىعىن اتاي وتىرىپ, ازامات­تار­دىڭ قورعالۋى مەن قاۋىپسىزدىك دەڭگەيىن تومەندەتپەي, قۇقىق قور­عاۋ قىزمەتىن ءارى قاراي ىزگىلەن­دىرۋگە باعىتتالعان كەشەندى ءىس-شارالاردى ازىرلەدى. 
باس بوستاندىعىنان ايى­رۋ­عا بالامالى بۇلتارتپاۋ شارا­لا­رىنىڭ قولدانۋ اياسىن كەڭەيتۋ مۇمكىندىكتەرى قارالدى: قىلمىس بويىنشا قوعامدىق جۇمىستار مەن بىرقاتار ەكونوميكالىق, لاۋازىمدىق جانە م ۇلىككە بايلانىستى قىلمىستار بويىنشا باس بوستاندىعىن شەكتەۋ تۇرىندەگى جازالاردى ەنگىزۋ, سونىمەن قاتار ايىپپۇل مەن كەپىل مولشەرىن ازايتۋ. 

كەڭەس بارىسىندا بۇلتارتپاۋ شاراسىن قولدانۋ ماسەلەسىن قاراعان كەزدە كۇدىكتى مەن ايىپتا­لۋشىنى سيپاتتايتىن ءمان-جايلار جيىنتىعىن جانە دە جا­سالعان ارەكەتكە ساي كەلۋىن ەسكەرە وتى­رىپ, جەكەلەي تۇردە قاراۋ قاجەت­تىلىگىنە قۇقىق قورعاۋ ورگان­دارى­نىڭ نازارىن اۋداردى. 

قوعامنان وقشاۋلاۋمەن بايلانىستى ەمەس بۇلتارتپاۋ شارالارىن كەڭىنەن جانە بىرىڭعاي قول­دانۋدى قامتاماسىز ەتۋ ماق­ساتىندا باس پروكۋرور قىلمىس­تىق قۋدالاۋ ورگاندارى باسشى­لارى­­نىڭ جانە وبلىس پروكۋرور­لا­رىنىڭ اتىنا نۇسقاۋ دايىندادى. 

ۇيلەستىرۋ كەڭەسىنىڭ قورى­تىندىسى بويىنشا بىرقاتار ناقتى ۇسىنىستار ازىرلەندى.