ەل ەسىندە قازاقتىڭ تۇڭعىش بارد اقىنى رەتىندە قۇرمەتپەن اتالاتىن تابىلدى دوسىموۆتىڭ اندەرى مەن گيتارامەن سالعان قوڭىر ءۇنى قانداي اسەرلى دە ءماندى بولسا, ونىڭ شىعارماشىلىعىنا قانىق حالقى ءۇشىن دە بۇل ونەردىڭ ورنى قاشاندا قىمبات بولىپ قالا بەرمەك. قازىرگى تاڭدا ءانشىنىڭ مۋزىكالىق مۇراسىن جيناقتاپ, ارتىندا قالعان رۋحاني مول قازىناسىن حالقىنا قالتقىسىز جەتكىزۋدە تىڭ جانردىڭ جاناشىرلارى اۋقىمدى جۇمىستار اتقارۋدا. زامانا تىنىسىن گيتارانىڭ ۇنىنە قوسىپ جەتكىزەتىن دارىن يەسى بۇعان دەيىن ۇلتىمىزدا بولماعان دەسەدى. اقىن مۇقاعالي ماقاتاەۆتىڭ «ۇناتامىن مەن سەنى» ولەڭىنىڭ ماتىنىنە جازىلعان تابىلدىنىڭ ءانى جىرمەن جىمداسا قابىسىپ, جۇرەك تۇبىنە ۇيالاعان ەدى.
اكەگە ماحاببات پەن ساعىنىش سازى ابىلدىڭ ءار سوزىنەن, ونەرگە ورلەنە قانات قاعىسىنان سەزىلىپ تۇردى. جۇرەگىنىڭ تۇسىنا جاقىن ۇستاعان سايىن گيتارا ءۇنى شاعالاداي شارىقتاپ, اكە مەن بالانىڭ, قوس ارماننىڭ داۋىسى كوكجيەكتە تالماي قالىقتاپ, كوڭىلگە شۋاق سەبەلەدى.
كەشتى ونەر يەسى ابىل تابىلدى ۇلىنىڭ ءوزى جۇرگىزىپ وتىردى. «مەن قازاقپىن», «بيىكتىك», «ۇناتامىن مەن سەنى», «كۇنەكەي قىز», «بىراق, بىراق...», «استانا», «كەشىرىڭدەرشى, ادامدار», «سايگ ۇلىك», «تابىلدىڭ ءانى», «قازاق ەدىم دەگەنشە», «استانانىڭ ارۋى»... تاعى باسقا اندەردىڭ اۋەنىنە تەبىرەنگەن كوپشىلىك ءار انگە قوشەمەت ءبىلدىرىپ, ۇزاق قول سوعىپ وتىردى.
قازاق ۇلتتىق ءان ونەرىنىڭ وركەندەۋىنە قىزمەت ەتىپ جۇرگەن جاناشىرلار قوراباي ەسەنوۆ, ەلەنا ابدىحالىقوۆا, الىمبەك كەلدىباي, ەرجان ساعىنباەۆ, سەيىل اياعاننىڭ ونەرى دە جۇرتشىلىقتى ءبىر سەرپىلتىپ تاستادى. كەش سوڭىندا تابىلدى دوسىموۆ اتىنداعى قوردىڭ ديرەكتورى, ۇلتتىق ونەردىڭ قولداۋشىسى بيجان قالماعامبەتوۆ پەن تابىلدى دوسىموۆتىڭ جارى, ابىلدىڭ اناسى قارلىعاش باسارقىزى ءسوز سويلەدى. «تۇڭعىش رەت» ونەر كەشى اياش تابىلدى ۇلىنىڭ ەلوردا تويىنا, استانانىڭ 20 جىلدىق مەرەكەسىنە تارتۋى بولىپ تابىلادى.
قارشىعا كۇلەن
