ماسەلەن, ولار پحەنچحانداعى ححIII قىسقى وليمپيا ويىندارىنا قاتىساتىن اقمولا وبلىسىنىڭ سپورتشىلارىن قولداۋ جانە قازاقستاندىقتار اراسىندا سپورتقا دەگەن قىزىعۋشىلىقتى وياتۋ ماقساتىندا قىسقى سپورت تۇرلەرى بويىنشا جارىس ءوت-كىزدى.
سپارتاكيادانىڭ سالتاناتتى اشىلۋ راسىمىندە اقمولا وبلىستىق سوتىنىڭ توراعاسى دوسجان ءامىروۆ قاتىسۋشىلاردى قۇتتىقتاي كەلىپ, اتالعان ءىس-شارانىڭ ماڭىزىن ەرەكشە اشىپ كورسەتتى. وسىنداي سپورتتىق ءىس-شارالار قىسقى سپورت تۇرلەرىن ناسيحاتتاۋ جانە «سالاماتتى ءومىر سالتىن قالىپتاستىرۋ» مەملەكەتتىك باعدارلاماسىن ىسكە اسىرۋ ماقساتىندا وتكىزىلىپ جاتقانى ايتىلدى. ەڭ باستىسى, مۇنداي شارا ۇجىم قىزمەتكەرلەرى اراسىنداعى ءوزارا سىيلاستىق پەن قۇرمەتتى ارتتىرا تۇسەتىندىگى بەلگىلى. بۇل ورايدا وبلىستىق سوت توراعاسى دوسجان ءامىروۆ ءوز ويىن بىلايشا ساباقتادى: «تەك ساۋ دەنەدە عانا مىقتى رۋح, جەڭىسكە جانە بارلىق ىستەرگە دەگەن تابىس پەن قۇشتارلىق قالىپتاسادى».
جالپى «ەلىكتى» تاۋ-شاڭعىسى كەشەنىندە شاڭعىمەن تاۋدان ءتۇسۋ, ەرلەر جانە ايەلدەر اراسىندا شاڭعى جارىسى, شاڭعى ەستافەتاسى جانە «كوڭىلدى ستارت» جارىستارى ۇيىمداستىرىلدى. جارىستا اۋداندىق جانە ولارعا تەڭەستىرىلگەن سوتتاردىڭ سۋديالارى مەن ماماندارى «باتىس», «شىعىس», «سولتۇستىك» جانە «وڭتۇستىك» كوماندالارىن قۇرادى. جارىستىڭ قورىتىندىسى بويىنشا جەڭىمپازدار گراموتالارمەن جانە كۋبوكتارمەن ماراپاتتالدى.
اسقار تۇراپباي ۇلى,
«ەگەمەن قازاقستان»
اقمولا وبلىسى
