جيىنعا ەلباسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋى اياسىندا ايقىندالعان جالپىۇلتتىق بىرلىك پەن بىرەگەيلىكتى قالىپتاستىرۋ مىندەتىنىڭ ءمانىن اشىپ كورسەتۋ, قازاقستاننىڭ تسيفرلىق ەكونوميكاسىنىڭ دەموگرافيالىق جانە ەڭبەك الەۋەتىنە تالداۋ جاساۋ وزەك بولدى. سونىمەن قاتار شارا بارىسىندا قوعامدىق كەلىسىم جانە جالپىۇلتتىق بىرلىك سالاسىنداعى مەملەكەتتىك ساياساتتى جۇزەگە اسىرۋ تەحنولوگيالارى بويىنشا تىڭداۋشىلاردىڭ كاسىبي ءبىلىمى مەن بىلىكتىلىگىن ارتتىرۋ قاراستىرىلدى.
سەمينار-ترەنينگتى اشقان مەملەكەتتىك باسقارۋ اكادەمياسىنىڭ رەكتورى فاتيما جاقىپوۆا: «قوعامنىڭ كوپتەگەن سالالارىن ستراتەگيالىق يننوۆاتسيالىق باسقارۋ مەملەكەتتىڭ باستى ساياساتىنا اينالىپ وتىر. وسىعان وراي نەگىزگى قىزمەت مەملەكەتتىك قىزمەتكەرلەرگە تۇسەتىنى ءسوزسىز. ەلباسى «تاۋەلسىزدىك ءداۋىرى» اتتى كىتابىندا مەملەكەتتىك قىزمەتكەرلەر ۇلت قىزمەتشىسى, پاتريوتى بولۋى كەرەك ەكەنىن اتاپ كورسەتتى. بۇگىنگى سەمينار-ترەنينگتىڭ باستى ماقساتى دا – وسى. ەلباسى اتاپ وتكەندەي, مەملەكەت ەتنوسارالىق جانە كونفەسسياارالىق ۇدەرىستەردىڭ تامىرىن ءدوپ باسىپ, حالىقارالىق قارىم قاتىناستاردى رەتتەپ وتىرادى. ياعني ەلباسى قۇرعان ساياساتىمىزدىڭ 5 بازالىق قاعيداتىن جۇزەگە اسىراتىن دا مەملەكەتتىك قىزمەتشىلەر. ولاي بولسا, ەل بىرلىگىن ساقتاۋ ىسىنە بارىنشا بەلسەنە اتسالىسۋىمىز قاجەت», دەدى.
بۇدان كەيىن بايانداما جاساعان قحا توراعاسىنىڭ ورىنباسارى لەونيد پروكوپەنكو قازاقستان حالقى اسسامبلەياسىنىڭ قوعامدىق سانانى جاڭعىرتۋ مەن قازاقستاندىق بىرەگەيلىكتى نىعايتۋ جولىنداعى مىندەتتەرگە توقتالىپ ءوتتى. «حالىقتاردىڭ بىرلىگى مەن ىنتىماعى - وتە نازىك ماسەلە, سوندىقتان وعان بايىپپەن قاراۋىمىز كەرەك. سوڭعى ۋاقىتتا بۇل كۇن تارتىبىندەگى باستى ماسەلە بولىپ وتىر. ويتكەنى, الەمدە بولىپ جاتقان وزگەرىستەر, جاڭاشىلدىق حالىقتار اراسىنداعى قارىم-قاتىناسقا تىكەلەي اسەر ەتەدى. وسىعان وراي ەلباسى دا ءوزىنىڭ سوڭعى جولداۋىن دا وسى الەمدىك وزگەرىستەرگە ارنادى. پرەزيدەنت بولاشاقتا 40 پايىزعا جۋىق ماماندىق تسيفرلاندىرۋدىڭ ارقاسىندا قاجەت بولمايتىنىن اتاپ ءوتتى. سونىڭ نەگىزىندە تسيفرلىق ەكونوميكا, تسيفرلىق ورتا پايدا بولادى. تسيفرلىق ورتا ءوزىنىڭ زاڭدىلىعىمەن جۇرەدى. سوندىقتان قازىر ءار ۇلت, ەتنوس ءوزىنىڭ ۇلتتىق قۇندىلىقتارىن ساقتاپ قالۋ ءۇشىن, وسى ورتاعا ساي بولۋى ءۇشىن بارلىق مۇمكىندىكتەردى قاراستىرىپ جاتىر. ەڭبەككە قابىلەتتى بولۋ – بۇنىڭ باستى شارتى. ول ءۇشىن بىزگە ەكونوميكالىق, الەۋمەتتىك جانە رۋحاني جاڭعىرۋدى ءبىر مەزگىلدە جۇزەگە اسىرۋ قاجەت» دەدى ول.
سەمينار-ترەنينگ بارىسىندا قازاقستاننىڭ تسيفرلىق ەكونوميكاسىنىڭ دەموگرافيالىق جانە ەڭبەك الەۋەتىنە تالداۋ جاساۋ, يادرولىق قارۋدى تاراتپاۋ مەن يادروسىز الەم قۇرۋدا قازاقستان ەتنوستارىنىڭ الەۋەتىن كورسەتۋ, قازاقستاننىڭ سايلاۋ جۇيەسىنىڭ ەرەكشەلىگىن كورسەتۋ, باق ماسەلەلەرى بويىنشا زاڭناماداعى جاڭاشا تاسىلدەردى قاراستىرۋ جوسپارلانعان.
ءمادينا جالەلقىزى,
«ەگەمەن قازاقستان»
