«رۋحاني جاڭعىرۋ» باعدارلاماسى اياسىندا قولعا الىنعان « ۇلى دالا جاستارى» اتتى جوبا شەڭبەرىندە ۇيىمداستىرىلعان بايقاۋدا قاتىسۋشىلار جاسىل ەكونوميكا, يننوۆاتسيالىق سەرپىلىس, بولاشاق ەنەرگياسى, الەۋمەتتىك كاسىپكەرلىك جانە ۇزدىك تۋريستىك ءونىم تاقىرىپتارىندا ءوز جوبالارىن قورعادى.
«مۇنداي بايقاۋ العاش رەت وتكىزىلىپ وتىرسا دا وقۋشىلار مەن ستۋدەنتتەردىڭ قىزىعۋشىلىعى زور ەكەنىن اڭعاردىق. ءححى عاسىر - جاڭا تەحنولوگيالار ءداۋىرى. وسىنداي جاھاندىق وزگەرىستەر كەزەڭىندە ءبىلىم جانە بيزنەس ءبىرىنشى ورىندا بولۋى قاجەت. ءبىزدىڭ ۋنيۆەرسيتەتتىڭ قابىرعاسىندا ۇيىمداستىرىلعان ايماقتىق سايىستىڭ ماقساتى – جاستاردى كاسىپكەرلىككە باۋلۋ, ولاردىڭ قوعامداعى ورنىن ايقىنداۋعا ۇلەس قوسۋ», - دەيدى ۋنيۆەرسيتەتتىڭ «بيزنەس» كافەدراسىنىڭ وقىتۋشىسى, ەكونوميكا عىلىمدارىنىڭ ماگيسترى ايگەرىم ورالبەكقىزى.
ءبىر كۇنگە سوزىلعان بايقاۋ قورىتىندىسىندا قازىلار القاسىنا «شىنى ساۋىتتاعى راۋشان گ ۇلى» جوباسىن ۇسىنعان «يستوك» جەكە مەنشىك جالپى ءبىلىم بەرۋ مەكتەبىنىڭ 11-سىنىپ وقۋشىسى دميتري پودوينيكوۆ ءى دارەجەلى ديپلوممەن ماراپاتتالىپ, «بيزنەس» كافەدراسىنىڭ ماماندىقتارى بويىنشا 15 پايىز جەڭىلدىكپەن ءبىلىم الۋ مۇمكىندىگىنە يە بولدى. «پوليگونعا تۋريستىك ەكسكۋرسيالار» جوباسىن قورعاعان كۋرچاتوۆ قالاسىنداعى №3 ورتا مەكتەبىنىڭ 10- سىنىپ وقۋشىسى ەكاتەرينا لوكشتانوۆاعا ءىى دارەجەلى ديپلوم مەن «بيزنەس» كافەدراسىنىڭ ماماندىقتارى بويىنشا 10 پايىز جەڭىلدىكپەن ءبىلىم الۋعا مۇمكىندىك بەرەتىن سەرتيفيكات تاپسىرىلدى. رىمبەك بايسەيىتوۆ اتىنداعى سەمەي قارجى-ەكونوميكالىق كوللەدجىنىڭ 2 كۋرس ستۋدەنتتەرى گۇلايىم مىرزابەكوۆا, گۇلميرا سوۆەتوۆا, التىنگۇل توقاەۆا ءۇشىنشى دارەجەلى ديپلوممەن ماراپاتتالىپ, تيىسىنشە 5 پايىز جەڭىلدىكپەن وقۋ سەرتيفيكاتىن يەلەندى.
ازامات قاسىم,
«ەگەمەن قازاقستان»
وسكەمەن
