قازىر قۇرمانعازى اۋدانى ازعىر ايماعىنداعى 10 ەلدىمەكەندە ۇزىندىعى 365 كم (بالقۇدىق, ازعىر, قوڭىرتەرەك, اسان, ۇشتاعان, سۇيىندىك, جالعىزاپان, باتىربەك, ەگىنقۇدىق, قوشالاق) ماگيسترالدى جانە اۋىلارالىق گازقۇبىرى قۇرىلىسى ءجۇرىپ جاتىر. بۇگىنگى كۇنى ونىڭ 53 شاقىرىمى سالىندى.
سونىمەن قاتار وسى ەلدىمەكەندەردە ۇزىندىعى 67,6 كم اۋىل ىشىندەگى گازقۇبىرى جەلىسىنىڭ قۇرىلىسىن باستاۋ جوسپارلاندى. قۇرىلىس 2017 جىلى باستالدى, 2019 اياقتالادى. قازىر ايماقتاعى تاعى 13 شاعىن ەلدىمەكەندى گازبەن قامتۋدىڭ جوبالاۋ-سمەتالىق قۇجاتتاماسى دايىندالۋدا. قۇرىلىس-مونتاجداۋ جۇمىستارى جوبالار دايىندالىپ بىتكەن سوڭ بيىل باستالۋى ءتيىس. وسى جۇمىستار اياقتالعاننان كەيىن اتىراۋ وبلىسى حالقىنىڭ 99,7% پايىزى گازبەن قامتاماسىز ەتىلەدى.
باقىتگۇل باباش,
«ەگەمەن قازاقستان»,
اتىراۋ
