قازاقستان • 19 اقپان، 2018

ەلباسى قورى سىيلىعىنىڭ لاۋرەاتتارى ماراپاتتالدى

259 رەتكورسەتىلدى

استاناداعى نازارباەۆ ورتالىعىندا قازاقستان رەسپۋبليكاسى تۇڭعىش پرەزيدەنتى – ەلباسى قورى سىيلىعىنىڭ لاۋرەاتتارىن سالتاناتتى ماراپاتتاۋ ءراسىمى ءوتتى. 

baq.kz

سالتاناتتى شاراعا اقپارات جانە كوممۋنيكاتسيالار ءمينيسترى داۋرەن اباەۆ، مەملەكەتتىك سىي­لىق­تىڭ لاۋرەاتى، كومپوزيتور تولەگەن مۇحامەدجانوۆ، ءماجى­لىس توراعاسىنىڭ ورىنباسارى ۆلا­ديمير بوجكو، سەنات دەپۋتاتى بىرعانىم ءايتىموۆا سياقتى ەلىمىزگە بەلگىلى ونەر جانە مەملەكەت قايراتكەرلەرى قاتىستى.

2008 جىلى تۇڭعىش پرە­زي­دەنت قورى عىلىم، مادەنيەت جانە ونەر سالاسىندا تالانتتاردى قولداۋ ماقساتىندا ءوز سىي­لى­عىن تاعايىنداعان بولاتىن. سودان بەرى ۇزدىكسىز بەرىلىپ كەلە جاتقان بۇل ماراپات – قوردىڭ ەڭ قۇرمەتتى سىيلىقتارىنىڭ ءبىرى.

سىيلىق بايقاۋ نەگىزىندە مۋزىكا، تەاتر جانە ساۋلەت ونەرى، حورەوگرافيا، كينەماتوگرافيا، كوركەم ادەبيەت، جۋرناليستيكا، فيزيكا، ماتەماتيكا، ينجەنەرلىك، قوعامدىق جانە گۋمانيتارلىق عىلىمدار اتالىمدارى بو­يىنشا ايرىقشا شىعارماشىلىق جوبالارىنا جانە زاماناۋي عىلىمي-زەرتتەۋلەرگە بەرىلەدى.

قور سىيلىعى تانىمال قاي­رات­كەرلەر ءۇشىن جوعارى مارتە­بەنى تاعى ءبىر دالەلدەۋ بولسا، دەبيۋتانتتار ءۇشىن – ءوزىن كور­سەتۋدىڭ تاماشا مۇمكىندىگى.

2017 جىلدىڭ قورىتىندىسى بويىنشا بايقاۋ كوميسسياسىنا مادەنيەت جانە ونەر سالاسى بو­يىنشا 57 جۇمىس كەلسە، عىلىم جانە تەحنيكا باعىتتارى بويىنشا 59 جۇمىس تۇسكەن. قور توڭىرەگىندە جۇمىس ىستەيتىن جاس عالىمدار كەڭەسى جانە شى­عار­ماشىل جاستار كەڭەسىنىڭ مۇشە­لەرىنەن تۇراتىن بايقاۋ كوميس­سيا­سىنىڭ شەشىمى بويىنشا 12 اتالىم بويىنشا 21 ادام لاۋ­رەات اتاندى. ما­راپات­تاۋ­دىڭ سال­تاناتتى راسىمىندە ءاربىر لاۋ­رەات­قا ديپلوم، كەۋدە بەل­گىسى جانە اق­شالاي سىياقى تابىستالدى.

جاڭا لاۋرەاتتاردى قۇت­تىق­تاي وتىرىپ تۇڭعىش پرەزيدەنت – ەلباسى قورىنىڭ اتقارۋشى ديرەكتورى قانات جۇماباەۆ: «بۇل سىيلىق جاس تالانتتاردىڭ وتىن جاعىپ، تالاپتارىنا قانات ءبىتىرۋ ءۇشىن كەرەك. ەلباسى ءاردايىم جاستارعا سەنىم ارتىپ، ارقاشان جاستار ەلىمىزدىڭ بولاشاعى ەكەنىن ايتىپ كەلەدى. ۇنەمى جاڭا بۋىنعا دەمەۋ كورسەتۋ ارقىلى ەلباسى قازاق جاستارى ەلىمىزگە ادال قىزمەت ەتەتىن ازامات بولاتىندارىنا سەنەدى»، دەدى.

ەلباسى قورى سىيلىعىنىڭ لاۋرەاتتارى قاتارىندا اكتەر بەرىك ايتجانوۆ، ءانشى بيبىگۇل جانۇزاق، رەجيسسەر ەسلام نۇر­تا­زين، عالىم سۇلتانقوجا امي­توۆ سىندى ونەر، عىلىم ساڭلاقتارى بار.

باعاشار تۇرسىنباي ۇلى،

«ەگەمەن قازاقستان»

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار