بۇل تاراپتاردىڭ العاشقى كەزدەسۋى. ءماجىلىس توراعاسى اتاپ وتكەندەي, ۇلىبريتانيامەن جان-جاقتى جانە ءوزارا ءتيىمدى قاتىناستاردى نىعايتۋ قازاقستاننىڭ سىرتقى ساياساتىنداعى ەڭ ماڭىزدى باعىتتاردىڭ ءبىرى. وتكەن جىلى ەكى ەل اراسىندا ديپلوماتيالىق بايلانىستىڭ ورناعانىنا 25 جىل تولىپ, وسى ۋاقىت ىشىندە سەنىمدى ساياسي ۇنقاتىسۋمەن قاتار, ەكىجاقتى قارىم-قاتىناس ستراتەگيالىق ارىپتەستىك دەڭگەيىنە جەتتى.
ءماجىلىس توراعاسى ۇلىبريتانيا تاراپىنا قازاقستاننىڭ ماڭىزدى باستامالارىنا كورسەتكەن قولداۋى ءۇشىن العىس ءبىلدىرىپ, حالىقارالىق دەڭگەيدەگى وزەكتى ماسەلەلەرگە نازار اۋداردى.
ءبىزدىڭ ەلىمىز اتالعان مەملەكەتپەن ءتۇرلى حالىقارالىق قۇرىلىمدار, سونىڭ ىشىندە بۇۇ قاۋىپسىزدىك كەڭەسى اياسىندا بىرلەسكەن جۇمىستار ارقىلى ەكىجاقتى جانە كوپقىرلى ءوزارا ءىس-قيمىلدى نىعايتۋعا ىنتالى.
وسى رەتتە ەلشى مىرزا ءبىزدىڭ ەلىمىزدىڭ ورتالىق ازيادا العاشقى بولىپ بۇۇ قاۋىپسىزدىك كەڭەسىنە مۇشە بولعانىن العا تارتىپ, قازاقستان پرەزيدەنتىنىڭ توراعالىعىمەن وتكەن بۇۇ قاۋىپسىزدىك كەڭەسى وتىرىسىنىڭ ماڭىزدىلىعىنا توقتالدى.
تاراپتار ءوزارا ىنتىماقتاستىقتى ودان ءارى نىعايتۋدا, اسىرەسە ەكونوميكا, ءبىلىم, يننوۆاتسيالىق تەحنولوگيا سالالارىنا ايرىقشا كوڭىل ءبولدى.
وسى رەتتە ن.نىعماتۋلين ەلباسى جولداۋىندا ايتىلعان 10 مىندەتكە توقتالىپ, تەحنولوگيا جانە تسيفرلاندىرۋ سالالارىندا ارىپتەستىكتى دامىتۋدىڭ ماڭىزى زور ەكەنىن ايتتى. ءماجىلىس سپيكەرىنىڭ ايتۋىنشا, تسيفرلى ەكونوميكانى كۇشەيتۋ, تسيفرلى قىزمەتتەردى ۇسىنۋ, يننوۆاتسيالىق ورتالىقتاردى زاڭنامالىق قامتاماسىز ەتۋ باعىتىندا بريتاندىق ارىپتەستەردىڭ تاجىريبەسى قىزىعۋشىلىق تۋدىرادى.
پارلامەنتارالىق بايلانىس ماسەلەسىنە كەلگەندە ن.نىعماتۋلين قازاقستاندىق پارلامەنتشىلەردىڭ بريتاندىق ارىپتەستەرىمەن ىنتىماقتاستىق جونىندەگى توپتار مەن بەيىندى كوميتەتتەر ارقىلى ءىسساپارلار جاساپ, تاجىريبە الماسۋعا, زاڭ-شىعارماشىلىق ارىپتەستىكتى كۇشەيتۋگە ىنتالى ەكەنىن جەتكىزدى.
