ول فينالدىق باسەكەنىڭ العاشقى كەزەڭىندە 75,10 ۇپايمەن جەتىنشى ورىننان كورىندى. ەكىنشى فينالدىق كەزەڭدە 76,81 ۇپايمەن ۇزدىك التىلىققا كىرىپ, مەدال ءۇشىن سىنعا تۇسەتىن سپورتشىلاردىڭ قاتارىنا ەندى.
ال سوڭعى فينالدىق سايىستى گالىشەۆا ءبىرىنشى بولىپ باستاپ, 77.40 ۇپاي جينادى. بۇل ناتيجە ونىڭ قولا جۇلدەنى يەلەنۋىنە جەتكىلىكتى بولدى. كۇمىس جۇلدە سوچي وليمپياداسىنىڭ جەڭىمپازى كانادالىق جيۋستين ديۋفۋر-لاپۋانتقا (78,56) بۇيىرسا, فرانتسيالىق پەررين لاففون (78,65) پحەنچحان وليمپياداسىنىڭ چەمپيونى اتاندى.
ايتا كەتەيىك, بۇل يۋليا گالىشەۆانىڭ ءۇشىنشى وليمپياداسى. ول بۇعان دەيىن ۆانكۋۆەر وليمپياداسىندا 11-ءشى, سوچي وليمپياداسىندا جەتىنشى ورىن يەلەنگەن ەدى.
گالىشەۆامەن قاتار بۇل سىنعا 16 جاستاعى وتانداسىمىز اياۋلىم امىرەنوۆا دا قاتىسقان بولاتىن. وكىنىشكە قاراي, اياۋلىم ەكىنشى ىرىكتەۋ كەزەڭىندە تومەن ۇپاي جيناپ, ىرىكتەۋدەن وتە المادى.
