ۇكىمەتتىڭ كەڭەيتىلگەن وتىرىسى بارىسىندا "اتامەكەن" ۇلتتىق كاسىپكەرلەر پالاتاسى باسقارماسىنىڭ توراعاسى ابىلاي مىرزاحمەتوۆ ەلدەگى بيزنەستى دامىتۋ بويىنشا جۇرگىزىلىپ جاتقان شارالار جايلى باياندادى. سونداي-اق, ول بيزنەستى تەكسەرۋدەگى تسيفرلاندىرۋ ماسەلەسىنە توقتالدى.
ء"بىز جاپپاي جۇرگىزىلەتىن تەكسەرىستەردىڭ كولەمىن قىسقارتتىق. قازىر باسقاشا تەكسەرىستەردى جۇرگىزىپ جاتىرمىز, تسيفرلاندىرۋعا قاتىستى", - دەدى ابىلاي مىرزاحمەتوۆ. ء"ار وتىرىس سايىن ءبىراز ءسوز ايتۋ كەرەك. بارىپ تەكسەرىپ كەلۋ مىندەتتى. مىسالى, ءورت ءسوندىرۋشى بارىپ, وقيعا ورنىن قاراپ شىعىپ, ەشتەڭە تاپپايدى. بىراق ول مەيرامحانادا تەگىن تاماقتانىپ قايتا الادى", - دەدى نۇرسۇلتان نازارباەۆ.
ابىلاي مىرزاحمەتوۆ تەكسەرىستەر كەزىندە جۇرگىزىلگەن زاڭبۇزۋشىلىقتار ايتارلىقتاي ەمەس ەكەنىن ايتادى. "بيىلدان باستاپ جانە بىلتىردان بەرى وزدىگىنەن رەتتەۋ جۇيەسى ەنگىزىلە باستادى. ياعني, ءسىزدىڭ تاپسىرماڭىزبەك تەكسەرىستەردى بەلگىلى ءبىر اسسوتسياتسيالار جۇرگىزەدى - كاسىپورىندار جەكەمەنشىك ۇيىمدارعا اينالىپ, مەملەكەتتىڭ ورنىنا باقىلاۋ جۇرگىزە الادى. مۇنداي تاجىريبە بار", - دەدى مىرزاحمەتوۆ.
وسىعان دەيىن نازارباەۆ كەڭەيتىلگەن وتىرىس بارىسىندا پرەمەر-مينيستر باقىتجان ساعىنتاەۆتىڭ بايانداماسىن تىڭداپ, وزىندىك سىننىڭ جوقتىعى جايلى ايتقان ەدى. "جاقسى باياندادىڭ, بىراق سىن كوزبەن قاراۋ كەرەك", - دەگەن ەدى پرەزيدەنت ساعىنتاەۆقا. ايتا كەتەيىك, كەڭەيتىلگەن وتىرىس ۇكىمەت عيماراتىندا ءوتىپ جاتىر. نازارباەۆ وتىرىستىڭ جوسپارى مەن باياندامالاردىڭ كەزەگى جايلى ايتىپ, پرەمەر-مينيستر باقىتجان ساعىنتاەۆقا ءسوز بەردى.
