وڭتۇستىك كورەيانىڭ بىرىگۋ ىستەرى جونىندەگى مينيسترلىگى كيم ەن نام وڭتۇستىككە 22 ادامنان تۇراتىن دەلەگاتسيانى جۇما كۇنى باستاپ بارادى دەپ حابارلادى. سونىمەن بىرگە وليمپيادانىڭ اشىلۋ سالتاناتىندا كحدر مەن وڭتۇستىك كورەيا سپورتشىلارى ء«بىرتۇتاس كورەيا» تۋىنىڭ استىندا ونەر كورسەتەدى. سولتۇستىك كورەيانىڭ قىسقى وليمپيادا ويىندارىنا قاتىسۋى پحەنياننىڭ ديپلوماتيالىق مانەۆرى رەتىندە قاراستىرىلىپ وتىر.
ەكى كورەيا مەملەكەتىنىڭ ايەلدەر اراسىنداعى شايبالى حوككەي كومانداسى جەكسەنبىدە ءوزىنىڭ العاشقى ماتچىن وتكىزدى, بىراق شۆەتسياعا قارسى ويىندا 1-3 ەسەبىمەن جەڭىلىس تاپتى. الايدا ولار بۇل ويىندا جەڭىلىس تاپقانىمەن, ويىندى ءارى قاراي جالعاستىرۋعا مۇمكىندىگى بار. بۇل جەكسەنبىلىك ويىن وليمپيادا الدىنداعى تاجىريبەلىك ويىن بولدى.
كيم ەن نام سولتۇستىك كورەيانىڭ پارلامەنت باسشىسى جانە ءتورت جىل ىشىندە وڭتۇستىك كورەياعا باراتىن جوعارى دەڭگەيدەگى رەسمي وكىلى بولىپ بەكىتىلدى.
وڭتۇستىك كورەيانىڭ Blue House رەزيدەنتسياسىنىڭ رەسمي وكىلى BBC-گە بەرگەن سۇحباتىندا سولتۇستىك كورەيانىڭ بۇل وليمپياداعا قاتىسۋى ولاردىڭ ەكى ەل اراسىنداعى قارىم-قاتىناستاردى جاقسارتۋعا دايىن ەكەندىگىن كورسەتتى دەپ سانايدى.
وڭتۇستىك كورەيانىڭ بىرىگۋ ىستەرى جونىندەگى مينيسترلىگىنىڭ حابارلاۋىنشا, كيم ەن نام باستاعان دەلەگاتسيا ەلگە 9 اقپاندا ءۇش كۇندىك ساپارمەن كەلەدى. الايدا ونىڭ وڭتۇستىك كورەيانىڭ تاۋلى-شىعىسىنداعى پحەنچانگ قالاسىنداعى ويىننىڭ اشىلۋ سالتاناتىنا قاتىساتىنى تۋرالى اقپارات تاراتقان جوق.
قىسقى وليمپيادا 9 اقپاندا باستالىپ, 25 اقپان كۇنى اياقتالادى.
كحدر باسشىسى كيم چەن ىن جاڭاجىلدىق قۇتتىقتاۋىنان كەيىن پحەنچانگتاعى قىسقى ويىندارعا سولتۇستىك كورەيا سپورتشىلارىن جىبەرۋ جاعىن قاراستىرىپ جاتقانىن ايتتى. ال وڭتۇستىك كورەيا پرەزيدەنتى مۋن چجە ين بۇل ءىستى جىلى قابىلداپ, ماسەلەنى تالقىلاۋ ءۇشىن كەلىسسوز وتكىزۋدى ۇسىندى. كەلىسسوز 9 قاڭتار كۇنى ءساتتى اياقتالدى. سولتۇستىك كورەيا ويىنشىلارى قىسقى وليمپيادا كەزىندە حوككەي جانە مۇز ۇستىندە مانەرلەپ سىرعاناۋدان جارىسقا تۇسەدى.
سوڭعى ۋاقىتتا سولتۇستىك كورەيانىڭ يادرولىق جانە زىمىران باعدارلاماسىنا بايلانىستى ەكى ەل قارىم-قاتىناسى قاتتى شيەلەنىسىپ كەتكەن بولاتىن. دەگەنمەن,بۇل ەكى ەل اراسىنداعى ارازداستىقتى جويۋ ءۇشىن جاسالعان العاشقى قادامداردىڭ ءبىرى ەكەنى انىق.
وسى اپتانىڭ باسىندا سولتۇستىك كورەيا قىسقى وليمپيادا ويىندارى باستالعانعا دەيىن ياعني 8 اقپاندا وڭتۇستىك كورەيامەن بىرىگىپ, كەڭ اۋقىمدى اسكەري پاراد وتكىزۋدى جوسپارلاعان. كەيبىر اقپاراتتارعا قاراعاندا, سولتۇستىك كورەيا ەشكىمنىڭ ولاردىڭ بۇل مادەني شارانى وتكىزۋىنە بوگەت بولا المايتىنىن حابارلاعان.
سونىمەن قاتار, سەۋل مەن ۆاشينگتون سولتۇستىك كورەيانىڭ اشۋىن تۋدىراتىن جىل سايىن وتكىزىلەتىن ءىرى بىرلەسكەن اسكەري جاتتىعۋلاردى كەشىرەك وتكىزۋگە كەلىسكەن, الايدا بۇل جاتتىعۋ پاراوليمپيادا ويىندارىنىڭ سوڭىندا وتكىزىلەدى.
