ماسەلەن, وڭتۇستىك قازاقستان وبلىسىنداعى تابيعي گاز ءتاريفى 2017 جىلدىڭ 1 شىلدەسىنەن باستاپ ءبىر مىڭ تەكشە مەترگە جەكە تۇلعالار ءۇشىن – 34 475,20 تەڭگە, زاڭدى تۇلعالار ءۇشىن – 36 103,97 تەڭگە, جىلۋ ەنەرگياسىن وندىرەتىن زاڭدى تۇلعالار ءۇشىن – 25 148,26 تەڭگە بولىپ بەلگىلەنگەن. ال اقتوبە وبلىسىندا جەكە تۇلعالار ءۇشىن وسى تاريف – 8,4 مىڭ, ماڭعىستاۋ وبلىسىندا – 9,4 مىڭ, قىزىلوردا وبلىسىندا – 19,9 مىڭ, جامبىل وبلىسىندا – 26,1 مىڭ تەڭگە. ءبىر ەلدە وتىرىپ وسىنشا كوپ ايىرماشىلىققا جول بەرىلۋىنىڭ ءوزى كوپ سۇراقتار تۋىنداتادى. ءبىزدىڭ وڭتۇستىكتىڭ ءتاريفى كورشىلەس وزبەكستانداعىدان ءتىپتى 3 ەسە ارتىق.
ەلەكتر ەنەرگياسى تاريفتەرىنىڭ دە ايىرماشىلىعى ۇلكەن. ال ورتاشا جالاقى مولشەرىنىڭ دەڭگەيى وڭتۇستىكتە باسقا وبلىستارمەن سالىستىرعاندا تومەن دەڭگەيدە قالىپ وتىر. ماسەلەن, ول وقو-دا 98,9 مىڭ تەڭگە بولسا, بقو-دا 136,3 مىڭ, شقو-دا118,6 مىڭ, قىزىلوردادا 117,9 مىڭ تەڭگەنى قۇرايدى.
سونداي-اق وڭتۇستىك قازاقستان وبلىسىندا جالپى ەكونوميكالىق جاعىنان بەلسەندى حالىقتىڭ جۇمىسپەن قامتىلعانى 42,2%-دى قۇراسا, ال كۇنكورىس دەڭگەيىنەن تومەن تابىسى بار تۇرعىندار 31,3%-دى قۇرايدى.
رەسپۋبليكامىزداعى شاعىن جانە ورتا بيزنەستىڭ ەڭ ۇلكەن ۇلەسى – 15,3 % وڭتۇستىك قازاقستان وبلىسىنا تيەسىلى ەكەنىن ەسكەرسەك, تاريفتەردىڭ ءوسۋى حالىقتىڭ ەڭ تىعىز ورنالاسقان ءوڭىرى وندىرگەن تاۋارلاردىڭ وزىندىك قۇنىنىڭ جوعارى بولۋىنا, باسەكەگە قابىلەتتىلىگىنىڭ تومەندەۋىنە, وڭىرگە ينۆەستورلاردىڭ كەلۋىن ازايتۋعا جانە جەكە كاسىپكەرلەردىڭ باسقا وڭىرلەرگە اۋىسىپ كەتۋىنە اكەلىپ سوعۋدا.
وسىعان بايلانىستى ءبىز پرەمەر-مينيستر باقىتجان ساعىنتاەۆتىڭ اتىنا دەپۋتاتتىق ساۋال جولداپ, وڭتۇستىك قازاقستان وبلىسىن تابيعي گازبەن قامتاماسىز ەتۋدەگى ەرەكشەلىكتەردى ەسكەرە وتىرىپ جانە وڭىرلەر اراسىندا گاز, ەلەكتر ەنەرگياسى تاريفتەرىندەگى باعالىق ايىرماشىلىقتى تومەندەتۋ ماقساتىندا ەلىمىزدە بىرىڭعاي ورتا تاريف ەنگىزۋ ماسەلەسىن قاراستىرۋدى سۇرادىق. بۇل وڭتۇستىك ءوڭىردىڭ ەكونوميكالىق دامۋىنا وڭ ىقپال ەتەتىن ۇلكەن فاكتور بولار ەدى دەپ سانايمىز.
ءالىمجان قۇرتاەۆ,
سەنات دەپۋتاتى
