جۋىردا كوللەدجىمىزدە وسى مىندەتتى جۇزەگە اسىرۋعا قاتىستى وقىتۋشىلار مەن ستۋدەنتتەردىڭ باسقوسۋىن وتكىزىپ, ءبىراز جىلدان بەرى ىسكە اسىپ كەلە جاتقان جۇمىستارىمىزدى پىسىقتادىق. اسىرەسە, تەحنيكا ءتىلىن تۇسىنەر جاستاردى قالاعان ماماندىعىنا دايىنداپ, جۇمىسقا ورنالاسۋىن ويلاستىرۋدامىز. بۇل ىستە دامىعان مەملەكەتتەر سانالاتىن جاپونيا, كورەيا ەلدەرىنىڭ جۇمىسشى ماماندارىن وقىتۋ تاجىريبەسىن باسشىلىققا الۋدامىز. سونىمەن قاتار ءبىلىم بەرۋ مەن تاجىريبەنى ەڭبەك الاڭىندا پايدالانۋ جولدارىن قاراستىرۋدامىز.
جولداۋدا مەملەكەت بايلىعى ادامي كاپيتال ەكەنى دە ايتىلدى. ادامي كاپيتال – جاستار, زامانعا ساي تەحنيكالىق ماماندىققا يەك ارتىپ, الدىمەن ءوز ءومىر جولىنا, ودان كەيىن ەلدىڭ ءال-اۋقاتىن دامىتۋعا جۇمساپ جاتسا, ۇتىلماسىمىز انىق. شىنى كەرەك, وتانىمىز ءبىلىم سالاسىنا قىرۋار قارجى ءبولىپ وتىر. ءاربىر ماماندىقتى تولىق يگەرىپ شىعۋ ءۇشىن جاستاردىڭ تەوريالىق ءبىلىمىن تاجىريبەدە ۇشتاۋ – باستى مىندەت. ەلباسى بۇل رەتتە «قازىر تەحنيكالىق ماماندىقتاردىڭ, عىلىم مەن يننوۆاتسيانىڭ كۇنى تۋعان زامان. ەرىنبەي ەڭبەك ەتكەن ادامنىڭ ءومىر ساپاسى وزادى, تۇرمىسى جاقسى بولادى. ەڭ اقىرى بۇگىنگى جاساپ جاتقان جاقسىلىقتارىمىزدىڭ بارلىعى – جاستار بولاشاعى ءۇشىن», دەگەن ەدى. وسى سەنىمنەن شىعۋدىڭ باستى جولى ء–تورتىنشى ونەركاسىپتىك رەۆوليۋتسيانى مۇلتىكسىز جۇزەگە اسىرۋ دەپ بىلەمىز.
ءبىلىم وردامىزدىڭ تاريحىنا كوز جۇگىرتەر بولساق, ىرگە كوتەرگەلى بەرى الپىس جىلدان اسىپتى. وسى ۋاقىت ىشىندە مىڭداعان كاسىپتىك مامان ازىرلەدىك. ۋاقىت ولشەمىنە قاراي ستۋدەنتتەر قازىر تۇسكە دەيىن تەوريالىق ءبىلىم السا, تۇستەن كەيىن سول ءبىلىمدى تاجىريبە الاڭدارىندا كوزبەن كورىپ, قولمەن ىسكە اسىرادى. بۇل دۋالدى وقىتۋ جۇيەسى بويىنشا ورىندالۋدا. ءوزىمىز ءجيى ايتاتىن وركەنيەتتى ەلدەردە دۋالدى وقىتۋ باياعىدا-اق شەشىمىن تاپقان. ولاردا ءبىلىم مەكەمەسى مەن ءوندىرىس ورنى قاتار ورنالاسادى. ءبىز دە وسى تاسىلگە قول جەتكىزە باستادىق. كوللەدج قالاداعى ءوندىرىس مەكەمەلەرى مەن اۋىلدى جەرلەردەگى كووپەراتيۆتەرمەن تىعىز بايلانىس ورناتقان. وعان دەيىن ستۋدەنتتەر كۇندەلىكتى تەوريالىق ءبىلىمدى كوللەدج اۋماعىنداعى ءار ماماندىققا ارنالعان شاعىن ءوندىرىس ورىندارىندا اتقارادى. ونى كەيدە ستۋدەنتتەر ء«وز تەحنيكا پاركىمىز» دەپ ءجۇر.
ءبىلىم بەرۋ باعدارلامالارىنداعى نەگىزگى باسىمدىق وزگەرىستەرگە ۇنەمى بەيىم بولۋ جانە جاڭا ءبىلىمدى مەڭگەرۋ قابىلەتىن دامىتۋ بولۋى ءتيىس. سول سەكىلدى وقىتۋدىڭ مازمۇندىلىعى زاماناۋي-تەحنيكالىق تۇرعىدان قولداۋ ارقىلى ۇيلەسىم تابۋ جاعى دا زور ماڭىز اتقارادى. تسيفرلى ءبىلىم بەرۋ رەسۋرستارىن دامىتۋ, كەڭ جولاقتى ينتەرنەتكە قوسۋ جانە مەكتەبىمىزدى بەينەقۇرىلىمدارمەن جابدىقتاۋ جۇمىستارى دا جان-جاقتى ويلاستىرىلعان. مۇنىڭ ءبارى وتاندىق ءبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باعدارلاماسى اياسىندا جۇرگىزىلىپ, باسەكەگە توتەپ بەرۋ, سول ارقىلى نارىق تالابىن تەرەڭ مەڭگەرۋ ەل ەكونوميكاسىن ورىستەتۋگە جاستاردىڭ ۇلەس قوسۋىن باستى نازاردا ۇستاۋ بولىپ ەسەپتەلەدى. اسىرەسە, ءبىر ءپروفيلدى ماماندىقتاردى ءبىلىم باعدارلامالارىنا سايكەستەندىرۋ, دۋالدى وقىتۋ جۇيەسىن جەتىلدىرە بەرۋ وزەكتى.
ءبىز ەلباسى جولداۋىنداعى مىندەتتەردى جۇيەلى ورىنداۋ ىسىندە كەيبىر ماماندىقتاردىڭ اۋقىمىن كەڭەيتىپ, ومىرشەڭدىگىن ارتتىرۋعا كۇش سالىپ وتىرمىز. جاسىراتىنى جوق, ماماندىق ءومىر تالابىنا ساي بولماسا, تۇلەگىڭ جۇمىسسىز قالارى ءسوزسىز. قازىر سۇرانىسقا يە ماماندىقتار قاتارىندا ۇيلەر مەن عيماراتتار سالۋ جانە پايدالانۋ, وندىرىستىك ەلەكتر-مەحانيكالىق جابدىقتار, جيھاز ءوندىرىسى جانە ىشكى سانيتارلىق-تەحنيكالىق قۇرىلعىلار, جەلدەتكىشتەردى جانە ينجەنەرلىك جۇيەلەردى پايدالانۋ, ساۋلەت, قىش ءوندىرىسى, تاعى باسقالارى بار. بۇل ماماندىقتارعا كوللەدج ءبىراز جىلدان بەرى ازىرلەپ كەلە جاتىر. ولار وقي ءجۇرىپ, بولاشاقتا جۇمىس ىستەيتىن مەكەمەلەرىن قازىردەن باستاپ ايقىنداپ الادى. بۇل – سۇرانىسقا ساي مامان دايىنداۋ. كوللەدج ۇجىمى الداعى ۋاقىتتا دا وسى قادامىن جالعاستىرىپ, داۋىرگە ساي كادر دايىنداۋدى ىسكە اسىرا بەرمەك.
ورىنباي قۋانىشباەۆ,
س.ىسقاقوۆ اتىنداعى قىزىلوردا قۇرىلىس جانە بيزنەس كوللەدجىنىڭ ديرەكتورى
