پرەزيدەنت • 03 اقپان، 2018

نۇرسۇلتان نازارباەۆ رەسەي پرەزيدەنتىمەن تەلەفون ارقىلى سويلەستى

86 رەتكورسەتىلدى

ەكى ەل كوشباسشىلارى بيىلعى 29-30 قاڭتاردا سوچيدە وتكەن سيريا ۇلتتىق ديالوگى كونگرەسىنىڭ قورىتىندىلارىن تالقىلادى. قازاقستان پرەزيدەنتى سيريا داعدارىسىن رەتتەۋ ۇدەرىسىنە رەسەي فەدەراتسياسىنىڭ قوماقتى ۇلەس قوسقانىن اتاپ ءوتتى، دەپ حابارلايدى اقوردانىڭ ءباسپاسوز قىزمەتى. 

مەملەكەتتەر باسشىلارى الماتى قالاسىندا وتكەن ەۋرازيالىق ۇكىمەتارالىق كەڭەس وتىرىسى مەن «جاھاندىق داۋىردەگى تسيفرلىق كۇن ءتارتىبى» اتتى فورۋم تۋرالى وي ءبولىسىپ، ەۋرازيالىق ەكونوميكالىق ينتەگراتسيا اياسىنداعى قازاقستان-رەسەي ىنتىماقتاستىعى جونىندە اڭگىمەلەستى.

نۇرسۇلتان نازارباەۆ پەن ۆلاديمير پۋتين وڭىرلىك جانە حالىقارالىق كۇن تارتىبىندەگى باسقا دا وزەكتى ماسەلەلەر تۋرالى پىكىر الماستى.

سوڭعى جاڭالىقتار

ۇقساس جاڭالىقتار