"قازاقستان رەسپۋبليكاسى ءبىلىم جانە عىلىم مينيسترلىگىنىڭ سەيسمولوگيالىق تاجىريبە-ادىستەمەلىك ەكسپەديتسياسى" مەملەكەتتىك مەكەمەسىنىڭ مالىمەتىنشە, جەر سىلكىنىسى 15.20.44-تە سىلكىندى. جەر سىلكىنىسىنىڭ ەپيتسەنترى الماتى قالاسىنىڭ اۋماعىندا تىركەلگەن. "جەر سىلكىنىسىنىڭ ەنەرگەتيكالىق كلاسى - 8,5; ماگنيتۋداسى - 3.7, ال تەرەڭدىگى 10 شاقىرىم", - دەلىنگەن حابارلامادا.
الماتىداعى جەر سىلكىنىسىنىڭ ەپيتسەنترى گاگارين - ءال-فارابي اۋماعىندا بولعان. كارتاعا قاراعاندا, جەر سىلكىنىسىنىڭ ەپيتسەنترى ءال-فارابي داڭعىلىنان تومەن گاگارين كوشەسىنىڭ بويىندا ورنالاسقان №125 مەكتەپتىڭ ماڭىندا تىركەلگەن. ال ءوز كەزەگىندە قالالىق تجد وكىلدەرى ءزىلزالادان ەشقانداي قيراۋ دەرەگى تىركەلمەگەنىن حابارلادى.
