كەزدەسۋگە Gartner كومپانياسىنىڭ ۆيتسە-پرەزيدەنتى اندرەا دي مايو, ۇلىبريتانيا ۇكىمەتىنىڭ تەحنولوگيالار جونىندەگى كەڭەسشىسى ليام ماكسۆەلل, دۇنيەجۇزىلىك بانكتىڭ تسيفرلىق ستراتەگيا جانە ۇكىمەتتىك ساراپتاۋ جونىندەگى كەڭەسشىسى رانديپ سۋدان, دۇنيەجۇزىلىك بانكتىڭ ات جانە ەلەكترونيكا باعىتىنىڭ باسشىسى دانيل كەريمي, رەسەي مەن تمد-داعى IDC ۆيتسە-پرەزيدەنتى روبەرت فاريش قاتىستى.
كەزدەسۋ بارىسىندا قر پرەمەر-ءمينيسترى باقىتجان ساعىنتاەۆ قر پرەزيدەنتى ن. نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىنىڭ نەگىزگى مىندەتتەرى تۋرالى ايتىپ بەردى. قاتىسۋشىلار, سونداي-اق, «تسيفرلىق قازاقستان» مەملەكەتتىك باعدارلاماسىنىڭ نەگىزگى باعىتتارىن جانە شەت مەملەكەتتەر مەن ءىرى كومپانيالاردىڭ تسيفرلىق ترانسفورماتسيالاۋ تاجىريبەسىن تالقىلادى.
ء«بىزدى قازاقستانعا شاقىرعانىڭىز ءۇشىن العىس ايتامىز. ءبىز — ۇكىمەتتەر, ءوزارا باسەكەلەسپەيمىز, سونداقتان دا بىرقاتار ماسەلەلەر بويىنشا ىنتىماقتاسۋعا مۇمكىندىك بار ەكەنىن اتاپ وتكەن ءجون. ءبىز وتە كوپ ۋاقىت جۇمسادىق (ەسك. – تسيفرلاندىرۋ پروتسەسى تۋرالى), ال بۇگىندە ءوز تاجىريبەمىزبەن بولىسە الامىز. سىزدەرگە ءتۇرلى ەلدەرمەن ىنتىماقتاسۋعا كەڭەس بەرەمىز. ءبىز مالايزيامەن, سينگاپۋرمەن ىنتىماقتاستىق ورناتتىق, ۋرۋگۆايمەن ءوزارا ارەكەتتەسۋ جاعدايلارىن جاساپ جاتىرمىز», — دەدى ۇلىبريتانيا ۇكىمەتىنىڭ تەحنولوگيالار جونىندەگى كەڭەسشىسى ليام ماكسۆەلل.
دۇنيەجۇزىلىك بانكتىڭ اكت سەكتورىنىڭ باسشىسى رانديپ سۋدان الماتىدا وتكىزىلىپ جاتقان فورۋمنىڭ پايداسى مەن ءتۇرلى كوزقاراستاردى زەرتتەۋدىڭ ماڭىزدىلىعىن اتاپ ءوتتى. «تاجىريبە كورسەتكەندەي, بىرىنشىدەن, ماسەلەنى انىقتاۋ جانە مىندەتتەردى بەلگىلەپ الۋ ماڭىزدى. ەكىنشىدەن, بۇل – وسىنداي فورۋمداردا جۇمىس ناتيجەلەرىن قورىتىندىلاۋ مۇمكىندىگى», — دەدى رانديپ سۋدان.
Gartner كومپانياسىنىڭ باسقارۋشى ۆيتسە-پرەزيدەنتى اندرەا دي مايو الەمدىك تسيفرلاندىرۋ تاجىريبەسى تۋرالى ايتا وتىرىپ, ۋاقىتشا پارامەترلەرگە توقتالىپ ءوتتى.
«جوسپارلارعا الدىن الا نازار اۋدارۋ كەرەك, سونداي-اق, ەڭ باستىسى – نەگىزگى باسىمدىقتاردى ءتۇسىنۋ ءۇشىن ىشكى جاعدايعا جانە اينالاعا كوز تاستاۋدى ۇسىنامىن. قازىر سىزدەردە باعدارلاما مەن جۇيەلى باسىمدىقتار بار. سىزدەردىڭ كەلەشەگىڭىز – 2020–2025 جىلدار, ودان ءارى ترانسفورماتسيا پروتسەسى ونداعان جىلدار بويى جالعاسا بەرەدى», — دەدى اندرەا دي مايو.
رەسەي مەن تمد-داعى IDC ۆيتسە-پرەزيدەنتى روبەرت فاريش ءوز كەزەگىندە, جوعارى دەڭگەيدەگى كوشباسشىنىڭ تسيفرلاندىرۋ جۇمىسىنا قاتىسقانى وتە ماڭىزدى ەكەنىن ايتىپ ءوتتى. ساراپشىنىڭ پىكىرىنشە, بۇل – جۇمىس تيىمدىلىگىن ارتتىرادى.
