"اقش-تىڭ ۆيزالىق ساياساتى نەگىزىنەن كوپتەگەن اگەنتتىككە قاتىستى: اقش ۇكىمەتى, مەملەكەتتىك دەپارتامەنتكە. ءبىز قازاقستاندىقتاردىڭ امەريكاعا كەلۋىن جەڭىلدەتكىمىز كەلەدى جانە قازىر ءبىر ۆيزا مەرزىمىن 10 جىلعا جاساپ جاتىرمىز. مۇنىڭ الدىندا 5 جىلدان باستالاتىن. مۇنى ارى قاراي قالاي كەڭەيتە الاتىنىمىزدى قاراستىرامىز. اقش پەن قازاقستان اراسىندا ۆيزاسىز ءتارتىپ قاشان بولاتىنىن بىلمەيمىن, بىراق, مۇنىڭ مۇمكىن ەكەنىن جوققا شىعارا المايمىن. قازىر مۇنى ساتىلاي شەشىپ جاتىرمىز", - دەيدى دجوردج كرول اقش ەلشىلىگىندەگى جۋرناليستەرمەن وتكەن دوڭگەلەك ۇستەل بارىسىندا.
نۇرسۇلتان نازارباەۆ Aمەريكانىڭ پرەزيدەنتى دونالد ترامپقا قازاقستانداعى اقش ازاماتتارى ءۇشىن ەنگىزىلگەن ۆيزاسىز تارتىپكە قاتىستى جاۋاپ كۇتەتىنىن ايتقان.
"قازاقستاندا امەريكالىق ازاماتتارعا ۆيزاسىز ءتارتىپ ەنگىزىلگەن. ءبىز وسىنداي جاۋاپ بولاتىنىن كۇتەمىز. ءبىزدىڭ ەلدەر اراسىندا العاش رەت اۆياتسيالىق باعىت اشىلىپ وتىر", - دەگەن ەدى نازارباەۆ اق ۇيدەگى دونالد ترامپپەن كەزدەسۋ بارىسىندا.
