بۇگىن 2 اقپاندا الماتىدا مەملەكەت باسشىسى نۇرسۇلتان نازارباەۆتىڭ باستاماسىمەن «جاھاندانۋ داۋىرىندەگى تسيفرلىق كۇن ءتارتىبى» فورۋمى وتەدى, ونىڭ اياسىندا يننوۆاتسيالاردى جانە تەحنولوگيالىق كاسىپكەرلىكتى دامىتۋ, بازالىق ينتەگراتسيالىق جوبالار, ەۋرازيالىق ەكونوميكالىق وداقتاعى ونەركاسىپتىك تسيفرلاندىرۋ جانە اۋىل شارۋاشىلىعىن تسيفرلىق ترانسفورماتسيالاۋدىڭ وزەكتى ماسەلەلەرى تالقىلانادى.
فورۋم جۇمىسىنا ارمەنيانىڭ پرەمەر-ءمينيسترى - ك. كاراپەتيان, بەلارۋستىڭ پرەمەر-ءمينيسترى - ا. كوبياكوۆ, قازاقستاننىڭ پرەمەر-ءمينيسترى - ب. ساعىنتاەۆ, قىرعىزستاننىڭ پرەمەر-ءمينيسترى - س. يساكوۆ, رەسەيدىڭ پرەمەر-ءمينيسترى - د. مەدۆەدەۆ, سونداي-اق ءازىربايجان مەن تاجىكستاننىڭ رەسمي دەلەگاتسيالارى قاتىسادى.
ەسكە سالساق, 2017 جىلعى قازاندا جوعارعى ەۋرازيالىق ەكونوميكالىق كەڭەس وتىرىسىندا ەاەو مۇشە مەملەكەتتەردىڭ باسشىلارى 2025 جىلعا دەيىنگى تسيفرلىق كۇن ءتارتىبىنىڭ نەگىزگى باعىتتارىن بەكىتتى, سونداي-اق پرەزيدەنت نۇرسۇلتان نازارباەۆتىڭ ەاەو ەكونوميكاسىن تسيفرلاندىرۋ بويىنشا ارنايى كەزدەسۋ وتكىزۋ تۋرالى باستاماسىن قولدادى.
فورۋمنىڭ ونلاين-تاراتىلىمىن 2 اقپاندا 11:00-دە PrimeMinister.kz سايتىنان جانە فەيسبۋك, «ۆكونتاكتە», تۆيتتەر, پەريسكوپ جانە ودنوكلاسسنيكي الەۋمەتتىك جەلىلەرىنەن, يۋتۋب رەسمي ارناسىنان, سونداي-اق اندرويد پەن ايفونعا ارنالعان ءموبيلدى قوسىمشالاردان كورىڭىزدەر.
كۇننىڭ ەكىنشى جارتىسىندا باقىتجان ساعىنتاەۆ ەۋرازيالىق ۇكىمەتارالىق كەڭەستىڭ شاعىن جانە كەڭەيتىلگەن قۇرامداعى وتىرىسىنا قاتىسادى.
ءىس-شاراعا ارمەنيا رەسپۋبليكاسىنىڭ پرەمەر-ءمينيسترى - ك. كاراپەتيان, بەلارۋس رەسپۋبليكاسىنىڭ پرەمەر-ءمينيسترى - ا. كوبياكوۆ, قىرعىز رەسپۋبليكاسىنىڭ پرەمەر-ءمينيسترى - س. يساكوۆ, رەسەي فەدەراتسياسىنىڭ پرەمەر-ءمينيسترى - د. مەدۆەدەۆ جانە ەۋرازيالىق ەكونوميكالىق كوميسسياننىڭ القا توراعاسى ت. ساركيسيان قاتىسادى دەپ بولجانىپ وتىر.
شاعىن قۇرامدا تسيفرلىق كۇن ءتارتىبى ماسەلەلەرىن, سونداي-اق ىشكى نارىقتىڭ جۇمىس جاساۋى شەڭبەرىندەگى قاتىسۋشى ەلدەردىڭ مىندەتتەمەلەرىن قاراۋ جوسپارلانعان.
كەڭەيتىلگەن قۇرامداعى وتىرىستا قاتىسۋشىلار ماكروەكونوميكالىق جاعدايدى جانە ەاەو مۇشە مەملەكەتتەردىڭ اراسىنداعى ءوزارا ساۋدا جاعدايىن تالقىلايدى, اگروونەركاسىپ كەشەنى, ونەركاسىپ كەشەنى دامۋىنىڭ ورتاق بولجامدارىن جانە ەاەو مۇشە مەملەكەتتەردىڭ ەڭبەكشىلەرىن زەينەتاقىمەن قامسىزداندىرۋ ماسەلەلەرىن تالقىلايدى.
وتىرىس قورىتىندىسى بويىنشا بىرقاتار قۇجاتتاردى قابىلداۋ جوسپارلانعان.
