نۇرلان نوعاەۆ قۇرمانعازى اۋدانىندا وڭىردەگى بالىق شارۋاشىلىعىنىڭ پروبلەمالارىنا قاتىستى كوشپەلى جينالىس وتكىزدى. وعان مەملەكەتتىك ورگاندار مەن قۇقىق قورعاۋ سالاسىنىڭ وكىلدەرى, بالىق اۋلايتىن كووپەراتيۆ باسشىلارى قاتىستى. جينالىستا بالىق سالاسىن رەتتەۋ, زاڭسىز بالىق اۋلاۋمەن كۇرەس ماسەلەسى قارالدى.
شارا بارىسىندا قۇقىق قورعاۋ جانە باقىلاۋشى ورگانداردى كادرلارمەن قامتاماسىز ەتۋ ماسەلەسى دە كوتەرىلدى. نۇرلان نوعاەۆ باسشىلاردى براكونەرلىكپەن كۇرەستە الدىڭعى شەپتە بولاتىن مامانداردى مۇقيات تاڭداۋعا شاقىردى. ەگەر جاسالىپ جاتقان جۇمىستار ناتيجە بەرمەسە, بەلگىلى ءبىر سەبەپتەرى بولۋى كەرەك.
-دەمەك ول ماماندار براكونەرلەرمەن سىبايلاس دەۋگە نەگىز بار, جۇمىس ىستەۋگە نيەتتەرى جوق دەگەن ءسوز. ال ەگەر ناقتى وسىلاي بولسا, ونداي ادامداردى جۇمىستان بوساتىپ, وزىنە جاۋاپكەرشىلىك پەن مىندەت الا الاتىن, جۇمىس ىستەيتىندەردى قىزمەتكە الۋ كەرەك, - دەدى نۇرلان نوعاەۆ.
