– مەكتەپتەردىڭ ماتەريالدىق-تەحنيكالىق بازالارىن جاڭارتۋعا 2018 جىلعا 1 ملرد 200 ملن تەڭگە ءبولىندى. بارلىق اۋداندا روبوت-تەحنيكا كابينەتتەرى اشىلادى. فيزيكا كابينەتتەرى جاڭعىرتىلادى. ەلباسى جولداۋىندا تسيفرلى تەحنولوگيانى دامىتۋ, كەڭ جولاقتى ينتەرنەتپەن قامتۋ جانە مەكتەپتەردى بەينەقۇرىلعىلارمەن جابدىقتاۋ جۇمىستارىنا ەرەكشە ءمان بەرىلگەن, وسى ماقساتتا اتىراۋ وبلىسىندا دا جۇمىستار جالعاسادى, – دەدى نۇرساۋلە سايلاۋوۆا.
قازىر وبلىستاعى 193 مەكتەپتىڭ 141-ءى كەڭ جولاقتى ينتەرنەتكە قوسىلعان. شالعاي ەلدى مەكەندەردە ورنالاسقان 21 شاعىن جيناقتى مەكتەپ ينتەراكتيۆتى قۇرالدارمەن جابدىقتالىپ, اتىراۋ قالاسىنىڭ 10 مەكتەبىندە «روبوت-تەحنيكا» كۋرسى قاناتقاقاتى جوبا رەتىندە باستاۋ الدى.
قازاقستان حالقى اسسامبلەياسىنىڭ اتىراۋ وبلىستىق فيليالى مەن مۇناي جانە گاز ۋنيۆەرسيتەتى ۇيىمداستىرعان دوڭگەلەك ۇستەلدە ەلباسى جولداۋىندا ايتىلعان ادامي كاپيتالدى دامىتۋ جايى كەڭىنەن تالقىلاندى. ۋنيۆەرسيتەت رەكتورى ءالي ابىشەۆ كاسىپتىك ءبىلىم بەرۋ باعدارلامالارىنا وزگەرىستەر ەنگىزىلگەنىنە جانە تاجىريبە الماسۋ ءۇشىن شەتەلدەردەن ماماندار شاقىرىلعانىنا توقتالدى. وبلىستىق ىشكى ساياسات باسقارماسىنىڭ باسشىسى جاسۇلان بيسەمبيەۆ مەملەكەت باسشىسىنىڭ تسيفرلى ءبىلىم بەرۋ رەسۋرستارىن دامىتۋ تۋرالى تاپسىرماسىن ورىنداۋعا ايماقتا مۇمكىندىك كوپ ەكەنىن بايانداي كەلە, «مەملەكەتتىك قىزمەت كورسەتۋ دە ەلەكتروندى تۇرگە كوشۋدە. بۇگىن بىزدە تمد ەلدەرىندە قولدانىستا جوق ەgov.kz جۇيەسى جۇمىس ىستەيدى. كومپيۋتەردە عالامتور جەلىسىن پايدالانۋدى ۇيرەنۋ ءۇشىن «ينتەرنەت – ءسىز ءۇشىن!» جوباسى دا بار. وسىنداي جاعدايدى پايدالانا وتىرىپ, ءاربىر ادام تسيفرلى تەحنولوگيانى تولىق مەڭگەرۋگە ۇمتىلۋى كەرەك. بۇل – زامان تالابى», دەدى.
شارادا اسسامبلەيا مۇشەلەرى دە ەلباسى جولداۋىنا قولداۋ ءبىلدىردى.
– قانداي مىندەتتى ىسكە اسىرساق تا, ءبىزدىڭ باستى كۇشىمىز بىرلىكتە بولۋى كەرەك. ەلباسىنىڭ قازاق, ورىس, اعىلشىن تىلدەرىن جەتىك مەڭگەرۋ كەرەكتىگى جايلى ايتقانى كوكەيىمە قونادى. جولداۋمەن تولىق تانىسىپ شىقتىم. قازاق ەلىنىڭ قارىشتاپ دامۋى جولىندا ءبارىمىز ءبىر ءۇيدىڭ بالاسىنداي اتسالىسۋعا ءتيىسپىز, – دەيدى «تحونيل» كورەي ەتنومادەني بىرلەستىگىنىڭ جەتەكشىسى ليۋدميلا لي.
باقىتگۇل باباش,
«ەگەمەن قازاقستان»
اتىراۋ
