وسىعان وراي, كەشە «نازارباەۆ ورتالىعىندا» قازاقستان رەسپۋبليكاسى پرەزيدەنتى ءىس باسقارماسىنىڭ جانە اقمولا وبلىسى اكىمدىگىنىڭ قولداۋىمەن «Kazakh Tourism» ۇلتتىق كومپانياسى ۇيىمداستىرعان «شۋچە-بۋراباي كۋرورتتى ايماعىن دامىتۋ الەۋەتتەرى» تاقىرى بويىنشا 2016-2023 جىلدارى جۇزەگە اساتىن ماڭىزدى جوبالاردىڭ تانىستىرىلىمى ءوتتى.
ءىس-شاراعا مادەنيەت جانە سپورت ءمينيسترى ارىستانبەك مۇحامەدي ۇلى, اقمولا وبلىسى اكىمىنىڭ ورىنباسارى ۆاسيلي كرىلوۆ, يسپانيالىق ينۆەستور كريستوف دە بريۋين جانە مەملەكەتتىك ورگانداردىڭ, ۇلتتىق كومپانيالاردىڭ, دامۋ ينستيتۋتتارىنىڭ باسشىلارى, سونداي-اق قازاقستاندىق جانە شەتەلدىك كومپانيالاردىڭ باسشىلارى مەن بيزنەسمەندەر قاتىستى.
ارىستانبەك مۇxامەدي ۇلى كىرىسپە سوزىندە بۋراباي كۋرورتتى ايماعىن دامىتۋ جونىندەگى جۇمىستاردى, ينۆەستيتسيا تارتۋ ماسەلەسىن ايتا كەلىپ, 2020 جىلعا دەيىن «ششۋچە-بۋراباي» كۋرورتتى ايماعىنا بولىنگەن قاجەتتى قارجىنىڭ 95 پايىزى جولدى جوندەۋگە, كوممۋنالدىق قىزمەت ساپاسىن جاقسارتۋعا بولىنەتىنىن جەتكىزدى. «قازىرگى ۋاقىتتا بۇل جوبالارعا 61 ملرد تەڭگە قاراستىرىلعان. ونىڭ جارتىسى جەكە كومپانيالاردىڭ ينۆەستيتسياسى. مەملەكەت تاراپىنان بولىنگەن قارجىنىڭ 95%-ى جولدى جوندەۋگە, كوممۋنالدىق قىزمەتتەردى جاڭارتۋعا, سونىمەن بىرگە «بۋراباي-شورتاندى» سۋ ايماقتارىنىڭ اينالاسىن تازارتۋعا جۇمسالادى», دەدى ول.
سونداي-اق مينيستر بۋرابايعا تۋريستەردى كوپتەپ تارتۋ ءۇشىن xالىقارالىق شارالاردى وتكىزۋ كەرەكتىگىن جەتكىزدى. وسى ماقساتتا بيىل بۋرابايدا ءداستۇرلى تۇردە جاز ايلارىندا الەمدەگى تالانتتى بالالاردىڭ باسىن قوساتىن حالىقارالىق فەستيۆال وتپەك. «بيىل جازدا العاش رەت حالىقارالىق بالالار فەستيۆالىن وتكىزەيىن دەپ جاتىرمىز. ونداي شارالار يسپانيا, تۇركيا جانە تاعى باسقا مەملەكەتتەردە ءجيى ۇيىمداستىرىلادى. نەگە دەسەڭىز, ءبىر بالامەن بىرگە مىندەتتى تۇردە بەس-التى ادام كەلەدى. ول – اكە-شەشەسى, ۇستازى, دوستارى جانە تاعىسىن-تاعىلار. وسىلايشا ىشكى ءتۋريزمدى دامىتۋعا مۇمكىندىك بار. سول سەبەپتى بيىلعى فەستيۆالدى استانامەن قاتار بۋرابايدا وتكىزگەندى ءجون كوردىك», دەدى ا.مۇxامەدي ۇلى.
ال اقمولا وبلىسى اكىمىنىڭ ورىنباسارى ۆاسيلي كرىلوۆ الداعى ۋاقىتتا ۇلكەن جانە كىشى شاباقتى كولى ماڭايىندا تاۋ-شاڭعى كەشەنىن سالۋ جوسپارلانىپ وتىرعانىن, سونداي-اق شەتەلدىك تۋريستەر قازاق xالقىنىڭ تۇرمىس سالتىنا قاتتى قىزىعاتىنىن ەسكەرە وتىرىپ, سارىبۇلاق ەلدى مەكەنىندە ەتنواۋىل سالىناتىنىن ايتتى. «بىلتىر گولفقا ارنالعان كاسىبي ورتالىق اشىلدى. بيىل مامىر ايىندا رەسپۋبليكالىق شاڭعى بازاسى پايدالانۋعا بەرىلەدى. ول جەردە بياتلون الاڭى مەن شاڭعى تراسساسى بولادى. سپورتشىلاردىڭ ءجۇرىپ-تۇرۋىنا ارنالعان بارلىق نىساندار بوي كوتەرەدى. سونىڭ ارقاسىندا ۇلكەن xالىقارالىق جارىستاردى وتكىزىپ, تۋريستەردى كوپتەپ تارتۋعا مۇمكىندىك اشىلادى», دەدى ۆ.كرىلوۆ.
ونىڭ ايتۋىنشا, بۇگىندە ششۋچەدە تاعى ءبىر تاۋ-شاڭعى كەشەنىن سالۋ ماسەلەسى قارالىپ جاتىر. اتالعان جوبا ينۆەستيتسيالىق ۇسىنىستاردىڭ نەگىزىندە جۇزەگە اسپاق. «جەرگىلىكتى بيۋدجەتتىڭ ەسەبىنەن قالانىڭ ورتالىعىندا كوپفۋنكتسيالى سپورت كەشەنىنىڭ قۇرىلىسى باستالادى. ءبىز فورۋم-ورتالىعىن سالۋ جۇمىستارىنا دا ۇلكەن ءمان بەرىپ وتىرمىز. اتالعان نىسان ءۇش سەگمەنتتەن تۇرادى. ول جەردەگى كورمە كەشەنى, كونتسەرت زالى مەن زاماناۋي كونگرەسس-xولل بولادى. قازىرگى كەزدە جەر ۋچاسكەسى انىقتالدى. ەندى, جوبالاۋ جۇمىستارىنا كىرىسۋ كەرەك», دەدى اكىمنىڭ ورىنباسارى.
بۇل – كۋرورتتى ايماقتى كەشەندى دامىتۋدىڭ العاشقى اۋقىمدى جوباسى. جيىنعا قاتىسقاندار اتالعان تاجىريبە كەيىننەن قازاقستاننىڭ باسقا وڭىرلەرىندەگى كۋرورتتى ايماقتاردى جوسپارلاۋ كەزىندە پايدالانىلاتىنىن جەتكىزدى.
ءالي بيتورە,
«ەگەمەن قازاقستان»
