كورمە - جەردىڭ العاشقى جاساندى سەرىگىنىڭ ۇشىرىلۋىنا 60 جىل تولۋىنا ارنالعان اۋقىمدى شارا. بۇل باستامانى العاش رەت 2017 جىلى بايقوڭىر عارىش ايلاعىنىڭ نەگىزىن سالعان گ.م. شۋبنيكوۆ اتىنداعى № 1 ورتا مەكتەپ وقۋشىلارى باستاعان بولاتىن. سونىمەن بىرگە بۇل شارانى بايقوڭىر قالاسىنداعى ءبىلىم بەرۋ مەكەمەلەرىنىڭ وقۋشىلارى دا قولداپ, ناتيجەسىندە بايقوڭىرلىق وقۋشىلار 5,5 مىڭنان استام سۋرەت دايىندادى.
ءبىر مەزگىلدە ەكى قۇقىقتىق نەگىزدە قىزمەت ەتەتىن «بايقوڭىر» كەشەنىنىڭ ايرىقشا مارتەبەسىن ەسكەرە كەلە, بالالار ءوز شىعارمالارىن قازاقستان جانە رەسەي پرەزيدەنتتەرىنە جولداۋعا شەشىم قابىلدادى. سۋرەتتەردى استانا جانە ماسكەۋگە جىبەرۋ – بۇل سەرىكتى ۇشىرۋ جانە وربيتاعا باعىتتاۋ نىشانىن بىلدىرەدى. شىعارمالاردىڭ ءبىر بولىگى ماسكەۋدەگى رەسەي فەدەراتسياسىنىڭ قوعامدىق پالاتاسىندا كورسەتىلمەك.
قP تۇڭعىش پرەزيدەنتى ن.ءا. نازارباەۆقا 200 سۋرەت توپتاماسى جىبەرىلدى. بالالاردىڭ بارلىق شىعارمالارى «بالالىق شاقتان كوزقاراس» جوباسى اياسىندا استانا قالاسىنداعى ەلباسى كىتاپحاناسىنىڭ مۋزەيىندە وتكىزىلەتىن كوركەمسۋرەت كورمەسىندە قالىڭ جۇرتشىلىققا ۇسىنىلاتىن بولادى.
