ەلباسىنىڭ بيىلعى جولداۋىنىڭ «قارجى سەكتورىن «قايتا جاڭعىرتۋ» 6-باعىتىنداعى مىندەتتەردى ىسكە اسىرۋ» تاقىرىبىنا ارنالعان ءباسپاسوز جيىنىنا احقو باسقارۋشىسى قايرات كەلىمبەتوۆ, «احقو اكىمشىلىگى» اق باسقارما توراعاسىنىڭ ورىنباسارى مارات ايتەنوۆ, احقو بيرجا باسقارماسى توراعاسىنىڭ ورىنباسارى ءامينا تۇرعۇلوۆا, «احقو اكىمشىلىگى» اق تسيفرلى تەحنولوگيالار ديرەكتورى اسەل جيەنباەۆا قاتىسىپ, قارجى ورتالىعىنىڭ وسى باعىتتاعى جۇمىستارى جايىندا ايتىپ بەردى.
احقو بيىل 1 قاڭتاردا زاڭدى تۇردە ىسكە قوسىلعان بولاتىن, سودان بەرى تولىق جوبالىق قۋاتقا جەتۋ ماقساتىنداعى قارجى ورتالىعىنىڭ قۇرىلىمدارىن بەلسەندى تۇردە ورىستەتۋ جۇمىستارى باستالدى.
«پرەزيدەنت باستاماسىمەن احقو قارجى تەحنولوگيالارىن, يننوۆاتسيالاردى تارتۋ, جاسىل تەحنولوگيالاردى دامىتۋ جانە ينۆەستيتسيالاردى تارتۋ ءۇشىن كوپتەگەن مۇمكىندىكتەر الدى. احقو-نىڭ حالىقارالىق تانىستىرىلىمى استانانىڭ دامۋىنا ءوزىنىڭ ەلەۋلى ۇلەسىن قوسادى دەگەن سەنىمدەمىز», دەدى ق.كەلىمبەتوۆ. سونداي-اق ول مەملەكەت باسشىسىنىڭ جاقىندا اقش-قا رەسمي ساپارى احقو جۇمىسىنا وڭ اسەرىن بەرگەنىن اتاپ ءوتتى. ماسەلەن, ەلباسى اقش-قا جاساعان رەسمي ساپارى كەزىندە بيزنەس كاپيتاندارىن احقو الاڭىنا شاقىردى. احقو, Bloomberg جانە ABC TV وتاندىق بيزنەس ارناسى اراسىندا ىنتىماقتاستىق تۋرالى كەلىسىمگە قول قويىلدى. بۇعان قوسا ساپار بارىسىندا ەلىمىزدىڭ قارجى مينيسترلىگى, «استانا» حالىقارالىق قارجى ورتالىعىنىڭ بيرجاسى (AIX) جانە Euroclear بانكى اراسىندا ىنتىماقتاستىق تۋرالى مەموراندۋم جاسالدى. تاراپتار قازاقستانداعى حالىقارالىق كليرينگ جۇيەسىن دامىتۋعا كەلىستى. مەموراندۋم نارىقتىق ورتانى قۇرۋدى قولداۋ ماقساتىندا سەرىكتەستىكتە جۇمىس ىستەۋ نيەتىن بىلدىرەدى, وندا شەتەلدىك ينۆەستورلارعا جەرگىلىكتى قازاقستاندىق باعالى قاعازدار Euroclear جۇيەسى ارقىلى قولجەتىمدى بولادى.
ق.كەلىمبەتوۆ سونداي-اق جاقىندا داۆوستا وتكەن بۇكىلالەمدىك ەكونوميكالىق فورۋمنىڭ نەگىزگى تاقىرىپتارىنىڭ ءبىرى ادام كاپيتالىن دامىتۋ ماسەلەسى بولعانىن تىلگە تيەك ەتتى. بەف الاڭىنىڭ الەۋەتى مەن ىسكەرلىك ورتانىڭ باس قوسۋىن پايدالانا وتىرىپ, احقو Thomson Reuters-پەن سەرىكتەستىكتە پانەلدىك سەسسيا وتكىزىپتى. اتالعان ءىس-شارادا احقو دەلەگاتسياسى مۇددەلى توپتاردى قازاقستاننىڭ باسىمدىقتارى مەن ەلدە جاسالىپ جاتقان جاعدايلار تۋرالى حاباردار ەتكەن.
«سونىمەن قاتار Waves بلوكچەين-پلاتفورماسىمەن مەموراندۋمعا قول قويىلدى. Waves-پەن جۇمىس ىستەۋ ارقىلى احقو قازاقستاندىق ستارتاپتارعا جوبالاردى جاڭا تەحنولوگيالىق دەڭگەيدە دامىتۋدىڭ بىرەگەي مۇمكىندىگىن بەرەدى, وسىلايشا بۇل باستاما قازاقستاندا بلوكچەين-تەحنولوگيالاردى تانىتۋعا ىقپال ەتەدى», دەدى ق.كەلىمبەتوۆ.
احقو باسشىسىنىڭ ايتۋىنشا, قازىرگى تاڭدا ورتالىقتىڭ بارلىق باعىتتارىن زاڭمەن رەتتەۋ پروتسەسى جۇرگىزىلىپ جاتىر جانە دامۋشى نارىقتارعا ينۆەستيتسيا سالۋعا مۇددەلى حالىقارالىق ىسكەر توپتاردى تارتۋعا قابىلەتتى وڭىرلىك حابتى قۇرۋدىڭ نەگىزگى سەرىكتەستەرى انىقتالدى. قور نارىعىنىڭ دامۋىنا «سامۇرىق-قازىنا» ۇاق-تىڭ ۇلتتىق كومپانيالارى اكتسيالارىن IPO-عا ءساتتى وتكىزۋ دە ىقپال ەتپەك. بۇگىندە IPO-نى ءتيىمدى وتكىزۋ تەتىگى ازىرلەنۋدە. وعان قوسا احقو جانىنان كومپانيالاردى تىركەيتىن جانە قىزمەتتەردىڭ كەڭ سپەكترىن ليتسەنزيالايتىن قارجىلىق قىزمەتتەردى رەتتەۋ كوميتەتى (افسا) جۇمىسىن باستاعان. احقو-نىڭ كوممەرتسيالىق جانە ازاماتتىق داۋلاردى قارايتىن, اعىلشىن جالپى قۇقىعىنىڭ نەگىزىندە ارەكەت ەتەتىن تاۋەلسىز سوتى, سونداي-اق حالىقارالىق اربيتراج ورتالىعى قۇرىلىپتى. سونىمەن قاتار احقو بازاسىندا شانحاي قور بيرجاسى مەن NASDAQ ستراتەگيالىق سەرىكتەستەرىنە اينالعان جوعارى تەحنولوگيالىق بيرجا ىسكە قوسىلعان.
دينارا بىتىك,
«ەگەمەن قازاقستان»
