سايلاۋ ناۋقانى ەلىمىزدىڭ 68 وكرۋگىندە ءوتىپ, اقمولا وبلىسى بويىنشا 3 دەپۋتات, اقتوبە – 4, الماتى – 6, اتىراۋ – 6, شىعىس قازاقستان – 2, جامبىل – 3, باتىس قازاقستان – 4, قاراعاندى – 9, قوستاناي – 13, قىزىلوردا – 4, ماڭعىستاۋ – 1, پاۆلودار – 5, سولتۇستىك قازاقستان – 3, وڭتۇستىك قازاقستان وبلىسىندا – 3, ال الماتى قالاسى بويىنشا 2 دەپۋتات سايلانادى. استانا قالاسىندا بوس وكرۋگتەردىڭ بولماۋىنا بايلانىستى دەپۋتاتتاردى سايلاۋ وتكىزىلمەيدى.
ورتالىق سايلاۋ كوميسسياسىنىڭ حابارلاۋىنشا, 68 دەپۋتاتتىڭ 10-ى وبلىستىق, 17-ءسى قالالىق جانە 41-ءى اۋداندىق ماسليحاتتارعا سايلانادى. دەپۋتاتتاردىڭ وكىلەتتىلىكتەرىنىڭ مەرزىمنەن بۇرىن توقتاتىلۋىنا مىنا سەبەپتەر نەگىز بولعان: ءتيىستى اكىمشىلىك-اۋماقتىق بىرلىكتەن باسقا تۇراقتى ورىنعا كەتۋى, باسقا جۇمىسقا اۋىسۋى, جەكە ءوتىنىشى, سونداي-اق دەپۋتاتتىڭ قايتىس بولۋى جانە سوتتىڭ ايىپتاۋ ۇكىمىنىڭ زاڭدى كۇشىنە ەنۋى.
بيىلعى جىلعى 25 قاڭتاردا شىعىپ قالعان ءماسليحات دەپۋتاتتارىنىڭ ورنىنا كانديداتتاردى ۇسىنۋ باستالدى. دەپۋتاتتىققا كانديداتتاردى ۇسىنۋ 2018 جىلعى 25 اقپانعا دەيىن جالعاسادى. اعىمداعى جىلدىڭ 31 قاڭتارىنداعى جاعداي بويىنشا الماتى قالاسىنىڭ 2 سايلاۋ وكرۋگىندە 7 كانديدات ۇسىنىلعان.
«ەگەمەن-اقپارات»
