كوميسسيا جۇمىسىنا قر كاسىپوداقتار فەدەراتسياسىنىڭ, قازاقستان ەڭبەك كونفەدەراتسياسىنىڭ, تاۋ-كەن ءوندىرۋ جانە تاۋ-كەن مەتاللۋرگيا كاسىپورىندارىنىڭ رەسپۋبليكالىق قاۋىمداستىعىنىڭ باسشىلارى, سونداي-اق سەلەكتور رەجيمىندە وبلىس اكىمدەرىنىڭ ورىنباسارلارى قاتىستى.
وتىرىس بارىسىندا مەملەكەتتىڭ الەۋمەتتىك-ەڭبەك ساياساتى جانە ء «تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىندا قر پرەزيدەنتى ن.نازارباەۆ جۇكتەگەن مىندەتتەرگە سايكەس ەلىمىزدىڭ ازاماتتارى ءۇشىن لايىقتى ەڭبەك جاعدايلارىن جاساۋ ماسەلەلەرى تالقىلاندى.
وتىرىس بارىسىندا الەۋمەتتىك-ەڭبەك قاتىناستارىن رەتتەۋدىڭ نەگىزگى باعىتتارى بويىنشا تاراپتاردىڭ كەلىسىلگەن پوزيتسيالارىن انىقتايتىن قازاقستان رەسپۋبليكاسى ۇكىمەتى, رەسپۋبليكالىق جۇمىسكەرلەر بىرلەستىكتەرى جانە رەسپۋبليكالىق جۇمىس بەرۋشىلەر بىرلەستىكتەرى اراسىندا 2018-2020 جىلدارعا ارنالعان باس كەلىسىمگە قول قويىلدى. باس كەلىسىم اياسىندا قابىلدانعان مىندەتتەمەلەردى ىسكە اسىرۋ بويىنشا ءىس-شارالار جوسپارى (جول كارتاسى) قارالدى جانە بەكىتىلدى.
قۇجاتقا الەۋمەتتىك ارىپتەستىك جانە الەۋمەتتىك-ەڭبەك قاتىناستارىن رەتتەۋ جونىندەگى رەسپۋبليكالىق ۇشجاقتى كوميسسيانىڭ تاراپتارى قول قويدى: ۇكىمەتتەن – قر پرەمەر-ءمينيسترىنىڭ ورىنباسارى ە.دوساەۆ, جۇمىسكەرلەر بىرلەستىكتەرىنەن – كاسىپوداقتار فەدەراتسياسىنىڭ توراعاسى ب.ءابدىرايىم جانە قازاقستان ەڭبەك كونفەدەراتسياسىنىڭ باس حاتشىسى – م.ماشكەنوۆ, جۇمىس بەرۋشىلەر بىرلەستىكتەرىنەن – «اتامەكەن» ۇلتتىق كاسىپكەرلەر پالاتاسىنىڭ باسقارما توراعاسى ا.مىرزاحمەتوۆ, جۇمىس بەرۋشىلەر كونفەدەراتسياسىنىڭ باسقارما توراعاسى ق.بايكەنوۆ, تاۋ-كەن ءوندىرۋ جانە تاۋ-كەن مەتاللۋرگيا كاسىپورىندارىنىڭ رەسپۋبليكالىق قاۋىمداستىعىنىڭ اتقارۋشى ديرەكتورى, قازاقستان تاۋار وندىرۋشىلەرى جانە ەكسپورتتاۋشىلار وداعىنىڭ پرەزيدەنتى ن.رادوستوۆەتس.
2018-2020 جىلدارعا ارنالعان باس كەلىسىم ەكونوميكانى تەحنولوگيالىق جاڭعىرتۋ, بيزنەس ورتانى تۇبەگەيلى جاقسارتۋ, حالىقتى فورمالدى جانە ءونىمدى جۇمىسپەن قامتۋعا جاردەمدەسۋ, ادامي كاپيتال ساپاسىن, ەڭبەك جاعدايلارى مەن قورعاۋدى جاقسارتۋ, سونداي-اق ونەركاسىپتىك جانە ەكولوگيالىق قاۋىپسىزدىك ماسەلەلەرىنە قاتىستى بولدى.
