الىبەك پەن الان قۇرداس, جاستارى 19-دا. الىبەك كەسكىندەمەمەن اۋەستەنەدى, دەگەنمەن, ونىڭ سۇيىكتى ءىسى پلاستيليننەن جاپسىرىپ, ءوزىنىڭ ءتول مۋلتفيلمدەرىن جاساۋ. بۇل ونىڭ ءۇي-ىشىنە كۇتپەگەن وقيعا بولعان كورىنەدى. ول ءوز بەتىمەن كومپيۋتەرلىك باعدارلامالاردى مەڭگەرىپ, سولاردىڭ كومەگىمەن انيماتسيا جاسايدى. ءتۇرلى سيۋجەت ويلاپ تاۋىپ, ءوزىنىڭ پلاستيلين كەيىپكەرلەرىنە ءتۇرلى مىنەز-ق ۇلىق پەن قاسيەت بەرەدى. الىبەك مۋلتفيلمدەرىنىڭ ستسەناريلەرىن دە ءوزى جازادى, ولاردى ءوزى دىبىستايدى. ول ەشتەڭەنى دە ەكىنشى ورىنعا قويمايدى, ءاربىر دەتالدى ابدەن جەتىلدىرەدى. ءار جاپسىرىلعان مۇسىنگە ەرەكشە دەن قويادى دا سول كەيىپكەرلەرىمەن دوس بولىپ كەتەدى. الىبەكتىڭ ت.جۇرگەنوۆ اتىنداعى قازۇوا ۇستازدارىنان العان ساباعى زايا كەتكەن جوق. اكادەميالىق ستيلدە ورىنداعان جۇمىستارى – سونىڭ ناتيجەسى.
– الان اكۆارەلمەن, گۋاشپەن, پاستەلمەن جانە قارىنداشپەن سۋرەت سالادى. ونىڭ «شارلار», «كۋبيكتەر», ء«ۇشبۇرىشتار» دەپ اتالاتىن جۇمىستارى ەرەكشە نازار اۋدارتادى. بۇلاردى ول مايلى بوياۋمەن ورىنداعان. بۇل – گەومەتريالىق فيگۋرالى ابستراكتىلى كومپوزيتسيا. تاڭدالىپ الىنعان ماتەريالدىڭ جىلى قانىق تۇستەرىنىڭ ارقاسىندا ولاردىڭ جۇمساق فاكتۋرالارى قاراما-قارسى تۇستەردى جاقىنداستىرا تۇسەدى. «اينەكتىڭ ارعى جاعىندا» اتتى كارتيناسىندا سۋرەتشى جىپ-جىلى سارى الا جامىلعىسىنىڭ ۇستىنە جايلاپ قىس ءتۇسىپ كەلە جاتقان كۇزدىڭ كوڭىل-كۇيىن بەرەدى. الان – اسەرشىل دە زەرەك بالا. ءبىر كۇنى ول كوۆبويلار تۋرالى كينو كوردى. سونىڭ اسەرىنەن «شەريف بولعىم كەلەدى» كارتيناسىن جازدى. بۇدان بالانىڭ ءوزىن ەرلىك پەن نامىستى تۋ ەتكەن, السىزدەردى قورعايتىن كەيىپكەرگە ۇقساتقىسى كەلگەن تالابىن كورەسىز, – دەيدى كورمە جەتەكشىسى ناتاليا باجەنوۆا.
ءا.قاستەەۆ اتىنداعى ءموم ەرەكشە مۇقتاج سۋرەتشىلەرگە باعىتتالعان الەۋمەتتىك ماڭىزدى جوبالاردى ۇدايى قولداپ كەلەدى. بۇل – ەرەكشە دارىندى بالالاردىڭ بولاشاقتاعى ومىرلىك جولىن تابۋىنا قولدان كەلگەن مۇمكىندىكتى جاساپ, قولداۋ كورسەتۋگە نيەت ەتىپ وتىرعان «Darai» جانە «Pioner concept» قوعامدىق قورلارىنىڭ سىنامالى جوباسى.
ارمان وكتيابر,
«ەگەمەن قازاقستان»
الماتى
