پرەزيدەنتتىڭ جولداۋىندا جاڭعىرۋدىڭ نەگىزى رەتىندە قاراستىرىلاتىن ادامي كاپيتالدىڭ دامۋىنا باسىمدىق بەرىلگەن. بۇل زاماناۋي سىن-تەگەۋرىندەرگە جاۋاپ بەرەتىن شەشىم, سەبەبى, بۇگىنگى پوستيندۋستريالىق دامۋ, يننوۆاتسيالىق ەكونوميكا, ءبىلىم ەكونوميكاسى عاسىرىندا جوعارى دەڭگەيلى مامان, ءوز ءىسىنىڭ شەبەرى كەز كەلگەن مەملەكەتتىڭ ارتىقشىلىعى بولىپ تابىلادى.
پرەزيدەنت جولداۋىندا ءبىلىم باعدارلامالارىنىڭ نەگىزگى باسىمدىعى جاڭا ءبىلىمدى وزگەرتۋ مەن يگەرۋ, سوعان ۇدايى بەيىمدەلۋ بولۋى كەرەكتىگى ايتىلعان. بۇل فاكتور زاماناۋي قوعامنىڭ جىلدام وزگەرىپ وتىراتىندىعىمەن بايلانىستى. يننوۆاتسيا مەن جىلدامدىق قازىرگى الەمدە باسەكەگە قابىلەتتىلىكتىڭ باستى بەلگىسى. سوندىقتان الەمدەگى وزگەرىستەردەن قالىسپاۋ بۇگىنگى تاڭدا كوشتەن قالماۋداعى ەڭ ماڭىزدى شارت بولىپ تابىلادى.
الداعى ۋاقىتتا جاڭا تەحنولوگيالار كوپتەگەن ماماندىقتاردىڭ جويىلۋىنا اكەلىپ سوقپاق. ال تىڭ ماماندىقتارعا سۇرانىستار ارتا بەرەدى. ناقتىلاساق, ءوندىرىس, دەنساۋلىق ساقتاۋ, ساۋدا, مەملەكەت باسقارۋ سالالارىنداعى اقپاراتتىق تەحنولوگيالارعا اسەر ەتىپ جاتقان Big Data ۇلكەن دەرەكتەر تەحنولوگياسى ماماندارىنا سۇرانىس ارتىپ كەلەدى.
وسى فاكتوردى ەسكەرە وتىرىپ, جولداۋدا بارلىق جاستاعى ازاماتتاردى قامتيتىن الدىڭعى قاتارلى ءبىلىم جۇيەسىن جاساۋ تۋرالى ايتىلدى.
مەنىڭشە, ءار وڭىردەگى وقۋشىلار سارايلارىنىڭ جانىنان كومپيۋتەرلەر, زەرتحانالار مەن 3D-پرينتەرلەر سەكىلدى بارلىق قاجەتتى ينفراقۇرىلىمى بار بالالار تەحنوپاركى مەن بيزنەس-ينكۋباتورلاردى جاساۋ شەشىمى دە وتە ماڭىزدى. بۇل جاس بۋىننىڭ عىلىمي-زەرتتەۋ مەن وندىرىستىك-تەحنولوگيالىق ورتاعا بەيىمدەلۋىنە, جاڭا ءارى سۇرانىسقا يە ماماندىقتار بويىنشا بىلىكتى مامان دايارلاۋعا سەپتىگىن تيگىزەدى, بۇل وزگەرىپ جاتقان جاڭا الەمنىڭ باستى تالابى.
وسىلايشا, ەلباسىنىڭ 2018 جىلعى جولداۋىندا جوعارى دەڭگەيلى يندۋستريالىق سەكتوردى پايدالانۋ تۋرالى ناقتى ايتىلىپ وتىر.
ايمان ءجۇسىپوۆا,
ەلباسى قورى جانىنداعى اەسي-ءدىڭ جەتەكشى ساراپشىسى
