اتاپ ايتساق, حالىقارالىق دارەجەدەگى سپورت شەبەرى, ەلىمىزدىڭ بىرنەشە دۇركىن چەمپيونى, رەسەي فەدەراتسياسىنىڭ سوچي قالاسىندا وتكەن 22-ءشى قىسقى وليمپيادا ويىندارىنىڭ 6-شى ورىن يەگەرى, 2017 جىلى وتكەن بۇكىلالەمدىك قىسقى ۋنيۆەرسيادانىڭ جەڭىمپازى جانبوتا الدابەرگەنوۆا, سپورت شەبەرلەرى مارجان اقجىگىت, اقمارجان قالمۇرزاەۆا, يلدار بادرۋتدينوۆ جانە سپورت شەبەرلىگىنە ۇمىتكەر ايانا جولداس ەل نامىسىن قورعايتىن بولادى.وسىلايشا سوچي وليمپياداسىنا 3 سپورتشى جىبەرگەن وڭتۇستىك ءوڭىرى بيىل جولداما سانىن كوبەيتە ءتۇستى.ءتۇرلى جارىستاردا جۇلدە العان سپورتشىلار سانى دا ارتا تۇسۋدە.
وڭىرلىك كوممۋنيكاتسيا ورتالىعىندا وتكەن ءباسپاسوز جيىنىندا وبلىستىق دەنە شىنىقتىرۋ جانە سپورت باسقارماسىنىڭ باسشىسى الىبەك نۇرتاەۆ وڭتۇستىكقازاقستاندىق سپورتشىلاردىڭ جىل باسىنان بەرى ازيا چەمپيوناتتارى مەن كۋبوكتارىندا 78 التىن, 53 كۇمىس جانە 42 قولا مەدال جەڭىپ العانىن مالدىمدەدى. ال, الەم چەمپيوناتتارى مەن كۋبوكتارىندا سپورتشىلار 34 التىن, 21 كۇمىس جانە 37 قولا مەدالگە يە بولدى. سپورتتى دامىتۋ باعىتىنداعى جۇيەلى جۇمىستاردىڭ ناتيجەسىندە وڭتۇستىك سپورتشىلارى 2016 جىلى 1185 مەدالگە يە بولسا,بىلتىر بۇل كورسەتكىش 1189-عا جەتكەن. وسىنداي كورسەتكىشتەرىمەن وڭتۇستىك ءوڭىرى رەسپۋبليكادا الدا كەلەدى.
عالىمجان ەلشىباي,
«ەگەمەن قازاقستان»
