كەڭەس توراعاسى, پارلامەنت سەناتى توراعاسىنىڭ ورىنباسارى سەرگەي گروموۆ كەڭەستىڭ نەگىزگى مىندەتى جەرگىلىكتى مەملەكەتتىك جانە ءوزىن ءوزى باسقارۋ مەن ايماقتاردى دامىتۋ سالاسىنداعى زاڭنامانى جەتىلدىرۋ جونىندەگى ۇسىنىستار ازىرلەۋ ەكەنىن ەسكە سالدى. س.گروموۆ اتاپ وتكەندەي, مەملەكەت باسشىسىنىڭ كونستيتۋتسيالىق رەفورمالارىن ىسكە اسىرۋ اياسىندا پارلامەنت پەن بارلىق دەڭگەيدەگى ءماسليحاتتار الدىنا بيلىكتىڭ ءار تارماعىنا جاۋاپكەرشىلىك پەن وكىلەتتىكتى تولىق كولەمدە ىسكە اسىرۋ تۋرالى ماڭىزدى مىندەت قويىلىپ وتىر.
وتىرىس بارىسىندا كەڭەستىڭ 2018 جىلعى جۇمىس جوسپارى بەكىتىلدى. پرەزيدەنت ن.نازارباەۆتىڭ قازاقستان حالقىنا ارناعان جولداۋىن ىسكە اسىرۋعا ارنالعان كەڭەس مۇشەلەرىنىڭ وتىرىسى, سونداي-اق قاراعاندى وبلىسىندا وتەتىن كوشپەلى وتىرىسى جوسپارداعى نەگىزگى شارالار قاتارىندا كورسەتىلگەن. كوشپەلى وتىرىستا ايماقتاعى جەرگىلىكتى مەملەكەتتىك باسقارۋ جۇيەسىن جەتىلدىرۋ ماسەلەلەرى تالقىلانباق.
وتىرىستا ۇيىمدىق ماسەلەلەر دە قارالدى. سەناتور اسقار بەيسەنباەۆ كەڭەس توراعاسىنىڭ ورىنباسارى, ال سەناتور تولەۋبەك مۇقاشەۆ حاتشىسى بولىپ سايلاندى.
