كونستيتۋتسيالىق كەڭەستىڭ توراعاسى قايرات ءمامي اتاپ وتكەندەي, قازىرگى زامانعى مەملەكەتتەر قۇقىقتىق جۇيەلەرىنىڭ قارقىندى دامۋى, جاھاندانۋدىڭ تەرەڭدەتىلگەن پروتسەستەرى كونستيتۋتسيالىق ادىلەت ورگاندارىنىڭ الدىنا جاڭا مىندەتتەر قويادى, ولاردى شەشۋ عىلىمي-ادىستەمەلىك قامتاماسىز ەتۋدى تالاپ ەتەدى.
عكك مىندەتتەرىنە رەسپۋبليكا اۋماعىندا كونستيتۋتسيانىڭ ۇستەمدىگىن قامتاماسىز ەتۋ, كونستيتۋتسيوناليزمنىڭ زاماناۋي پروبلەمالارىن ازىرلەۋ, ادامنىڭ جانە ازاماتتىڭ كونستيتۋتسيالىق قۇقىقتارى مەن بوستاندىقتارىن قورعاۋ تەتىكتەرىنىڭ تيىمدىلىگىن ارتتىرۋ, كونستيتۋتسيالىق كەڭەس شەشىمدەرىنىڭ قۇقىقتىق سالدارلارىن بولجاۋ جانە ولاردى ورىنداۋدىڭ جاي-كۇيىن تالداۋ بويىنشا عىلىمي نەگىزدەلگەن ۇسىنىستار مەن ۇسىنىمدار دايىنداۋ كىرەدى.
كەڭەس قۇرامىنا كونستيتۋتسيالىق, ازاماتتىق, قىلمىستىق, حالىقارالىق قۇقىق سالاسىنداعى جانە باسقا دا زاڭ سالالارىنداعى بەلگىلى قۇقىقتانۋشى-عالىمداردى قوسۋعا ۇسىنىم بەرىلدى. عكك مۇشەلەرى ءوز جۇمىسىن قوعامدىق باستامالاردا جۇزەگە اسىرىپ, ونىڭ شەشىمدەرى ۇسىنىمدىق سيپاتتا بولادى.
عكك قىزمەتىن ۇيلەستىرۋ ءۇشىن كونستيتۋتسيالىق كەڭەس ءوز قۇرامىنان كونستيتۋتسيالىق كەڭەس مۇشەسى ۆ.ا.مالينوۆسكيدى ونىڭ حاتشىسى دەپ ايقىندادى.
